- పాల్గొన్న బీసీ కమిషన్‌ మెంబర్‌ శుభప్రద్‌ పటేల్‌
నవతెలంగాణ-తాండూరు
ఎడ్యుకేషన్‌ ఫెయిర్‌ నిర్వహించడం వలన విద్యార్థుల్లో శాస్త్ర, సాంకేతిక, పరిశోధనల వల్ల చిన్ననాటి నుంచే ఆసక్తి పెరుగుతుందని రాష్ట్ర బీసీ కమిషన్‌ మెంబర్‌ శుభప్రద్‌ పటేల్‌ అన్నారు. తాండూరు పట్టణ కేంద్రంలోని ఇందిరా నగర్ ఐడిఎల్‌ ప్రగతి విద్యానికేతన్‌ స్కూల్‌లో ఏర్పాటు చేసిన ఎడ్యుకేషన్‌ ఫెయిర్‌లో శుభప్రద్‌ పటేల్‌ పాల్గొన్నారు. ఈ సందర్భంగా ఆయన మాట్లాడు తూ.. విద్యార్థులు తమ పరిశోధనల ద్వారా మానవాళి అభివృద్ధికి పాటుపడే లా కష్టపడాలన్నారు. విద్యావకాశాలు, వసతులు ఎలా ఉన్నా గొప్ప స్థాయికి ఎదగాలన్నారు. అత్యంత పేద కుటుంబంలో పుట్టి చాలా కష్టపడి చదువుకు ని, మిస్సైల్‌ మ్యాన్‌గా ఎదిగి, ఆ తర్వాత ఈ దేశానికి రాష్ట్రపతి అయిన డాక్టర్‌ ఏపీజె అబ్దుల్‌ కలాం మనందరికీ స్పూర్తిదాయకమన్నారు. ఈ కార్యక్రమంలో మున్సిపల్‌ చైర్‌పర్సన్‌ తాటికొండ స్వప్నపరిమల్‌, కౌన్సిలర్‌ సాజిద్‌ అలీ, కరస్పాండెంట్‌ కీర్తిశర్మ, వెంకటేష్‌ చారి, భానుప్రకాశ్‌, ఆకుల శివ పాల్గొన్నారు.
