నవతెలంగాణ-కొత్తూరు
మండలంలోని ఎస్‌బిపల్లి గ్రామంలో సీసీరోడ్డు పనులను ఆదివారం గ్రామ సర్పంచ్‌ అంబటి ప్రభాకర్‌ ప్రారంభించారు. ఈ సందర్భంగా ఆయన మాట్లాడుతూ.. ఎన్‌ఆర్‌ఈజీఎస్‌ నిధులు రూ.5 లక్షలతో సీసీరోడ్డు పనులు చేపట్టినట్టు ఆయన తెలిపారు. గ్రామంలో మౌలిక వసతుల కల్పనకు కృషి చేస్తున్నట్టు ఆయన పేర్కొన్నారు. గ్రామాభివృద్ధికి తగిన ప్రణాళిక రూపొందించుకొని ముందుకు సాగుతున్నామని, అందుకు ప్రతి ఒక్కరూ సహకరిం చాలని ఆయన కోరారు. ఈ కార్యక్రమంలో ఉప సర్పంచ్‌ బాలరాజు, వార్డు సభ్యులు కడల శ్రీశైలం, సుధాకర్‌రెడ్డి, మాన్నే రాజు,కడల మల్లమ్మ, కో-ఆప్షన్‌ సభ్యులు లింగారం సురేష్‌గౌడ్‌, యాదయ్య, ముకుందరెడ్డి, గ్రామస్తులు, తదితరులు పాల్గొన్నారు.