నవతెలంగాణ-శంషాబాద్‌
రోడ్డు ప్రమాదంలో వ్యక్తి మృతి చెందిన సంఘటన శంషాబాద్‌ పోలీస్‌ స్టేషన్‌ పరిధిలో సోమవారం జరిగింది. పోలీసులు తెలిపిన వివరాల ప్రకారం మండల పరిధిలోని ముచ్చింతల్‌ గ్రామానికి చెందిన బానూరి అర్జున్‌ (55) స్వగ్రామం నుంచి ద్విచక్ర వాహనంపై పివన్‌ రోడ్డు మీదుగా పాలమాకుల వైపు వస్తున్నాడు. మధ్యాహ్నం 12 గంటల సమయంలో పి వన్‌ రోడ్డుపై ఆగి ఉన్న లారీని వెనుకనుంచి ఢకొీట్టాడు. ఈ ప్రమాదంలో తీవ్రంగా గాయపడిన అతను మృతిచెందాడు. విషయం తెలుసుకున్న పోలీసులు సంఘటన స్థలానికి చేరుకొని మృతదేహాన్ని స్వాధీనం చేసుకుని ఉస్మానియా ఆస్పత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నారు. మతుని కండ్లను ఎల్వీ ప్రసాద్‌ కంటి ఆస్పత్రికి దానం చేసినట్టు కుటుంబసభ్యులు తెలిపారు.