నవతెలంగాణ-చేవెళ్ల
చేవెళ్ల పట్టణంలోని శ్రీ షిరిడి సాయిబాబా ఆలయ ద్వితీయ వార్షికోత్సవాన్ని ఆదివారం ఘనంగా నిర్వహించారు. ఉదయం బాబాకు పం చామత అభిషేకాలు, అష్టోత్తర పూజలు, హారతి కార్యక్రమం నిర్వహించగా చేవెళ్లతో పాటు చుట్టు పక్కల గ్రామాల భక్తులు పెద్ద సంఖ్యలో బాబా ను దర్శించుకున్నారు. పూజల అనంతరం చేవెళ్ల గ్రామానికి చెందిన వ్యాపారులు గుడుపల్లి నర్సింహారెడ్డి, శ్రీకాంత్‌రెడ్డి భక్తులకు అన్నదానం చేశారు. పూజలకు ఎమ్మెల్యే యాదయ్యతో పాటు ఎంపీపీ విజయలక్ష్మి, జడ్పీటీసీ సభ్యురాలు మాలతి, సర్పంచ్‌లు శైలజ, మోహన్‌ రెడ్డి తదిత రులు హాజరయ్యారు. ఆలయ కమిటీ సభ్యులు శాలువాలతో సన్మానించి తీర్ధ ప్రసాదాలు అందజేశారు.