- పటేల్‌ చెర్వు తండ సర్పంచ్‌ ఎం రాజునాయక్‌
నవతెలంగాణ- మంచాల
రానున్న రోజుల్లో మరిన్ని నిధులు కేటాయించి గ్రామాభివృద్ధికి కృషి చేస్తామని పటేల్‌ చెర్వు తండ సర్పంచ్‌ మెగావత్‌ రాజు నాయక్‌ తెలిపారు. ఆదివారం మండల పరిధిలోని పటేల్‌ చెర్వు తండాలో ఎంజీ ఎన్‌ఆర్‌ ఈజీఎస్‌ నిధులు రూ. 10 లక్షలతో సర్పంచ్‌ సీసీరోడ్డు పనులు ప్రారంభించారు. ఈ సందర్భంగా ఆయన మాట్లాడుతూ.. నియోజక వర్గ అభివృద్ధి ప్రదాత ఎమ్మెల్యే మంచిరెడ్డి కిషన్‌రెడ్డి సహకారంతో ఈ నిధు లు వచ్చాయన్నారు. గ్రామంలో అవసరమైన చోట సీసీరోడ్ల. అండర్‌ డ్రయినేజీ ఏర్పాటు కు మరిన్ని నిధులు కేటాయించి పాలక వర్గం సహకారంతో గ్రామాభివృద్ధికి కృషి చేస్తామన్నారు. కార్యక్రమంలో పంచా యతీ కార్యదర్శి సాయి జయదీప్‌, వార్డు సభ్యులు, తదితరులు ఉన్నారు.
మీ స్నేహితులకు రికమెండ్ చెయ్యండి
