నవతెలంగాణ-కుల్కచర్ల
కుల్కచర్ల, చౌడాపూర్‌ మండలాల పరిధిలోని పలు పాఠశాలలలో జాతీయ సైన్స్‌ దినోత్సవాన్ని సోమవారం ఘనంగా నిర్వహించారు. ముందుగా సీవీ రామన్‌ చిత్రపటానికి పూలమాలలు వేసి నివాళులర్పించారు. ఇందులో భాగంగా విద్యార్థులు తమ అభిరుచికి తగినట్లు ఎంతో ప్రతిభ కనబరుస్తూ పలు శాస్త్ర వేత్తల సైన్స్‌, మ్యాథ్స్‌లకు చెందిన వివిధ రకాల ప్రాజెక్టులను ప్రదర్శించారు. విద్యార్థులు స్వయంగా తయారు చేసిన ప్రాజెక్టులు అందరినీ ఆకర్షించాయి. పలువురు ఉపాధ్యాయులు మాట్లాడుతూ...తమ విద్యార్థులు కూడా ప్రతిభావంతులు కావాలన్నారు. అందుకు కావలసిన విజ్ఞానాన్ని పెంపొందించుకోవాలని వారు ఆకాంక్షించారు. ఈ కార్యక్రమంలో ఉపాధ్యాయులు, విద్యార్థులు తదితరులు పాల్గొన్నారు.