నవతెలంగాణ-శేరిలింగంపల్లి
భేరి ఫిలిం కార్పొరేషన్‌ సంస్థలో సామాజిక సేవ రత్న బేరి రామచందర్‌ యా దవ్‌ నిర్మించిన 'మా బడి - మా చదువు' అనే లఘు చిత్రాన్ని శేరిలింగంపల్లి కార్పొరే టర్‌ రాగం నాగేందర్‌ యాదవ్‌ చేతుల మీదుగా విడుదల చేశారు. ఈ కార్యక్రమంలో రాగం నాగేందర్‌ యాదవ్‌ మాట్లాడుతూ భేరి ఫిలిం కార్పొరేషన్‌ తరఫున భేరి రామచందర్‌ యాదవ్‌ మంచి సందేశాత్మక చిత్రాలు నిర్మిస్తున్నారని ప్రశంసించారు.. ప్రభుత్వ పాఠశాలలోనే పిల్లల ఉజ్వల భవిష్యత్తు ఉందని ప్రభుత్వం ''మన ఊరు - మన బడి'' అనే కార్యక్రమంలో భాగంగా పాఠశాలలను కార్పొరేటు పాఠశాలలకు దీటుగా నవీకరిస్తున్నారని చెప్పారు. ప్రభు త్వ స్కూల్లను బలోపేతం చేయాలని మంచి సందేశాత్మక చిత్రం తీసినందుకు భేరి ఫిలిం టీం సభ్యులకు అభినం దనలు తెలియజేశారు. భేరి ఫిలిం కార్పొరేషన్‌ నిర్మాత భేరి రామచందర్‌ యాదవ్‌ మాట్లాడుతూ తమ సంస్థ ద్వారా సమాజానికి ఉపయోగపడే చిత్రాలు తీయాలని సంకల్పించామన్నారు. ''మా బడి - మా చదువు'' లఘు చిత్ర విషయానికొస్తే విద్యతో పాటు ఆటలు, పాటలు, సాంస్కృతిక కార్యక్రమాలు అన్ని నేర్పిస్తేనే విద్యార్థి సర్వతోముఖాభివృద్ధి సాధ్యం అవుతుందన్నారు. 'మా బడి - మా చదువు'' లఘు చిత్రం చూసి లైక్‌, షేర్‌, సబ్‌ స్క్రైబ్‌ చేసి తమను ఆదరించాలని కోరారు. ఈ కార్య క్రమంలో నేతాజీనగర్‌ కాలనీ ఉపాధ్యక్షులు రాయుడు, భేరి శ్రీనివాస్‌యాదవ్‌, భేరి చందు యాదవ్‌ నటీనటులు అనుపొజు సతీష్‌ సాయి, రాము, శ్రీశైలం యాదవ్‌ కొడ కంచి, సజిని, దర్శకుడు పెద్ద రాజుల మధు, ఎడిటర్‌ రం జిత్‌ కుమార్‌రెడ్డి, తలారి పవన్‌, భువన్‌ పాల్గొన్నారు.
