- ఎంపీపీ కొప్పు సుఖన్యభాషా
- నానక్‌నగర్‌లో సీసీరోడ్డు నిర్మాణ పనులకు శంకుస్థాపన
నవతెలంగాణ-యాచారం
గ్రామాల అభివృద్ధికి సర్పంచులు ముందుండి కృషి చేయాలని ఎంపీపీ కొప్పు సుకన్యభాషా కోరారు. బుధవారం యాచారం మండల పరిధిలోని నానక్‌నగర్‌లో సర్పంచ్‌ దంతుక పెద్దయ్యతో కలిసి ఎంపీపీ సీసీ రోడ్డు నిర్మాణ పనులకు శంకుస్థాపన చేశారు.అనంతరం ఆమె మాట్లాడుతూ మండలాభివృద్ధే లక్ష్యంగా నిరంతరం కృషి చేస్తానని చెప్పారు. గ్రామాల్లో పెండింగ్‌లో ఉన్న అభివృద్ధి పనులు వెంటనే పూర్తి చేయాలని ఆదేశించారు. రాష్ట్ర ప్రభుత్వం గ్రామ పంచాయతీలకు మరిన్ని నిధులు మంజూరు చేయాలని డిమాండ్‌ చేశారు. ఈ కార్యక్రమంలో ఏఈ, గ్రామ పంచాయతీ సెక్రెటరీ, వార్డు సభ్యులు ధనరాజ్‌, అంజయ్య, మాధవి, లక్ష్మమ్మ, స్వప్న, శేఖర్‌ రెడ్డి తదితరులు పాల్గొన్నారు.