నవతెలంగాణ-ఆమనగల్‌
తలకొండపల్లి మండలంలోని రాంపూర్‌ గ్రామానికి చెందిన సింధూ బాచుపల్లి మమత కళాశాలలో బీఎస్సీ నర్సింగ్‌ విద్యను అభ్యసిస్తుంది. ఈ నేపథ్యంలో సింధూ ఆర్థిక పరిస్థితులను తెలుసుకున్న ఉప్పల చారిటబుల్‌ ట్రస్ట్‌ వ్యవస్థాపక అధ్యక్షులు, తలకొండపల్లి జడ్పీటీసీ ఉప్పల వెంకటేష్‌ తన ట్రస్ట్‌ ద్వారా స్థానిక నాయకుల చేతులమీదుగా సింధూ విద్యాభ్యాసం కోసం రూ.15వేలు ఆర్థికసాయం అందజే శారు. ఈ కార్యక్రమంలో మండల సర్పంచ్ల సంఘం అధ్యక్షులు జర్పుల గోపాల్‌ నాయక్‌, తలకొండపల్లి సర్పంచ్‌ లలిత జ్యోతయ్య, రాంపూర్‌ ఉపసర్పంచ్‌ మోహన్‌రెడ్డి, పీఏసీఎస్‌ డైరెక్టర్‌ శేఖర్‌ యాదవ్‌, సీనియర్‌ నాయకులు తిరుమణి ఆంజనేయులు గౌడ్‌, నరసింహ, సాయికుమార్‌ తదితరులు పాల్గొన్నారు.
మీ స్నేహితులకు రికమెండ్ చెయ్యండి
