- మాజీ మంత్రి, హుజురాబాద్‌ ఎమ్మెల్యే ఈటల రాజేందర్‌
- ఏకశిలా పర్వతంపై ప్రత్యేక పూజలు
నవతెలంగాణ-కుల్కచర్ల
ముదిరాజులందరూ ఐక్యమ త్యంతో ముందుకు సాగితేనే ఏదైనా సాధించగ లమని రాష్ట్ర మాజీ మంత్రి, హుజురాబాద్‌ ఎమ్మెల్యే ఈటల రాజేందర్‌ అన్నారు.గురువారం కుల్కచర్ల మండల కేంద్రంలో ముదిరాజుల ఆత్మీయ సమ్మేళనం ఉత్సాహంగా సాగింది. అంతకుముందు పుణ్యక్షేత్రం శ్రీ పాంబండ రామలింగేశ్వరస్వామి బ్రహ్మౌత్సవాలలో భాగంగా స్వామి వారిని దర్శించుకొని ప్రత్యేక పూజలు చేశారు. అనంతరం మండల బీజేపీ కార్యాలయంలో ఆయనను నాయకులు ఘనంగా సన్మానించారు. భారీ ర్యాలీ నిర్వహించారు. ఈ సందర్భంగా ఆయన మాట్లాడు తూ... హుజురాబాద్‌ ఎన్నికల్లో ధర్మం గెలిచిందని తన గెలుపు కోసం కృషి చేసిన ప్రతి ఒక్కరికీ రుణపడి ఉంటానున్నారు. తెలంగాణ రాష్ట్ర ప్రభుత్వం చేస్తున్న ప్రజా వ్యతిరేక విధానాలను ఎండగట్టారు. కోట్లాడి తెచ్చుకున్న తెలంగాణలో ఆశించిన ఉద్యోగ ఉపాధి కల్పన లేకుండా నిరాశే మిగిలిందన్నారు. పార్టీలకతీతంగా ముదిరాజ్‌ సంఘం నాయకులు ఆయనను ఘనంగా సత్కరించారు.ముదిరాజ్‌ సంఘం క్యాలెండర్ను ఆవిష్కరించారు. ఈ కార్యక్రమంలో మాజీ మంత్రి చంద్రశేఖర్‌, బీజేపీ రాష్ట్ర కార్యవర్గ సభ్యులు ప్రహ్లాద రావు, బీజేపీ జిల్లా అధ్యక్షుడు సదానందరెడ్డి, ఏవీ రాములు,అందె బాబయ్య, ము కుంద నాగేశ్వర్‌, రామచంద్రయ్య,బోయిని జగన్మోహన్‌, మాణిక్యం,బాల ముకుందం, శ్రీనివాస్‌, ఆంజనేయులు, హన్మంతు, గోవర్ధన్‌, ప్రకాష్‌, యాదయ్య, చంద్రలింగం, హన్మంతు, క్రిష్ణయ్య, శ్రీశైలం, నర్సింలు, ఆనందం, మహిపాల్‌, లక్ష్మణ్‌ తదితరులు పాల్గొన్నారు.
