- జాతీయ కిసాన్ సెల్‌ ఉపాధ్యక్షులు, మాజీ ఎమ్మెల్యే కోదండ రెడ్డి
నవతెలంగాణ-రంగారెడ్డి ప్రతినిధి
క్రీడలతోనే మానసిక ఉల్లాసం, శారీరక దారుఢ్యం పెరుగుతాయని జాతీయ కిసాన్ సెల్‌ ఉపాధ్యక్షులు, మాజీ ఎమ్మెల్యే ముదిరెడ్డి కోదండ రెడ్డి అన్నారు. ఆదివారం ఇబ్రహీం పట్నం మాజీ ఎంపీపీ మర్రి నిరంజన్‌ రెడ్డి ఆధ్వర్యంలో జరుగుతున్న ఎమ్మన్నార్‌ ఐపీఎల్‌ - 2 నియోజకవర్గస్థాయి క్రికెట్‌ టోర్నమెంట్‌ రెండవ రౌండ్‌ క్రికెట్‌ ప్రారంభోత్సవానికి ముఖ్య అతిథులుగా జాతీయ కిసాన్ సెల్‌ ఉపాధ్యక్షులు, మాజీ ఎమ్మెల్యే కోదండరెడ్డి హాజరై ఎమ్మన్నార్‌ యువసేన చైర్మన్‌ మర్రి నిరంజన్‌ రెడ్డితో కలిసి టాస్‌ వేసి క్రికెట్‌ పోటీలను ప్రారంభించారు. ఈ సందర్భంగా ఆయన మాట్లాడుతూ.. నియోజకవర్గ స్థాయిలో ఇంత పెద్ద క్రికెట్‌ టోర్నమెంట్‌ నిర్వహించడం అభినందనీయమన్నారు. ప్రజలకు ఆపద సమయంలో, కష్టసుఖాల్లో తోడునీడగా ఉంటూ ప్రజాసేవే లక్ష్యంగా కృషి చేస్తున్న మర్రి నిరంజన్‌ రెడ్డిని అభినందించారు. యువతకు అన్ని విధాలుగా అండగా, ఇంకా యువతకు మరింత తోడ్పాటు అందించాలని కోరారు. కార్యక్రమంలో టీపీసీసీ కార్యదర్శి దండెం రాంరెడ్డి, కొత్తకుర్మ శివ కుమార్‌, బ్లాక్‌ కాంగ్రెస్‌ నాయకులు శంకర్‌ గౌడ్‌, కౌన్సిలర్స్‌, కమలాకర్‌ రెడ్డి, ఎమ్మాన్నార్‌ సభ్యులు చరణ్‌, మహేష్‌, దన్‌ రాజ్‌, ధనంజరు, చిన్న, తదితరులు పాల్గొన్నారు.
