- యువజన సంఘాల ఐక్యవేదిక రాష్ట్ర అధ్యక్షులు ఎర్రోళ్ల రాఘవేందర్‌
నవతెలంగాణ-ఆమనగల్‌
తెలంగాణ సాయుధ పోరాటంలో చిన్న వయసులోనే తన ప్రాణాలను త్యాగం చేసిన దొడ్డి కొమురయ్య ఆశయ సాధన కోసం కృషి చేయాలని యువజన సంఘాల ఐక్యవేదిక రాష్ట్ర అధ్యక్షులు ఎర్రోళ్ల రాఘవేందర్‌ అన్నారు. కడ్తాల్‌ మండల కేంద్రంలో ఆదివారం వివేకానంద యూత్‌ అసోసియేషన్‌, తెలంగాణ యువజన సంఘాల ఐక్యవేదిక ఆధ్వర్యంలో దొడ్డి కొమురయ్య 95వ జయంతి వేడుకలను ఘనంగా నిర్వహించారు. కార్యక్రమానికి ముఖ్యఅతిథులుగా యువజన సంఘాల ఐక్యవేదిక రాష్ట్ర అధ్యక్షులు ఎర్రోళ్ల రాఘవేందర్‌ హాజరై మాట్లాడారు. భూమి కోసం, భుక్తి కోసం, వెట్టిచాకిరి విముక్తి కోసం తొలిదశ తెలంగాణ సాయుధ పోరాటంలో చిన్న వయసులోనే తన ప్రాణాలను త్యాగం చేసిన దొడ్డి కొమురయ్య ఆశయ సాధనకు నేటి యువత కృషి చేయాలని పిలుపునిచ్చారు. కార్యక్రమంలో ఉపసర్పంచ్‌ కడారి రామకృష్ణ, వార్డు సభ్యులు రాంచందర్‌, నరేందర్‌, వివేకానంద యూత్‌ అధ్యక్షుడు ఎస్‌.మాధవులు, జై భీం యూత్‌ అధ్యక్షుడు కావలి కుమార్‌, యూత్‌ సభ్యులు క్యామ మహేష్‌, ఎస్‌.కృష్ణయ్య, లక్ష్మీనారాయణ, కె.రమేష్‌, శ్రీను, జంగయ్య, యాదగిరి పాల్గొన్నారు.
