- ఎంపీపీ రఘుమారెడ్డి
నవ తెలంగాణ- మహేశ్వరం
బాబు జగ్జీవన్‌ రామ్‌ అందరికీ ఆదర్శప్రాయుడని ఎంపీపీ రఘుమారెడ్డి అన్నారు. మంగళవారం మహేశ్వరం మండల కేంద్రంలో ఆయన విగ్రహానికి మండల పార్టీ అధ్యక్షులు అంగోతు రాజునాయక్‌ అంబేడ్కర్‌ సంఘం నాయకులతో కలిసి పూలమాలలు వేసి నివాళులు అర్పించారు. ఈ సందర్భంగా ఆయన మాట్లాడుతూ.. బీహారు రాష్ట్రం చాందువా గ్రామంలో జన్మించి మంచి స్వాతంత్ర సమరయోదుడిగా, పరిపాలనాధ్యక్షుడిగా దేశంలోనే మంచి పేరు ప్రఖ్యాతలను తెచ్చుకున్నారని అన్నారు. అట్టడుగు వర్గాల కోసం ఆయన చేసిన త్యాగం ఎంతో గొప్పదన్నారు. ఆయన ఇచ్చిన స్ఫూర్తితో ప్రతి ఒక్కరూ ముందుకు సాగాలన్నారు. సమసమాజ స్థాపన కోసం కృషి చేసిన గొప్ప నాయకుడన్నారు. కార్యక్రమంలో వైస్‌ ఎంపీపీ సునితాఆంధ్యానాయక్‌, పార్టీ వర్కింగ్‌ ప్రసిడెంట్‌ వర్కలయాదగిరిగౌడ్‌, జిల్లా రైతుసమన్వయ సమితి నాయకులు కూనయాదయ్య, శివగంగ దేవాలయ చైర్మెన్‌ నిమ్మగూడెం సుధీర్‌ గౌడ్‌, సర్పంచ్లు మోతిలాల్‌, అంగోతు రాజునాయక్‌, థామస్‌ రెడ్డి మాజీ సర్పంచ్‌ ఆనందం నాయకులు కరోళ్ల చంద్రయ్య ముదిరాజ్‌, సాలీవీరానాయక్‌, వొత్తుల రఘుపతి, సంజీవ, నారాయణ, శ్రీకృష్ణయాదవ్‌, మనోహర్‌, వీరిబాబు, నర్సింహ్మగౌడ్‌ తదితరులు పాల్గొన్నారు.
తుక్కుగూడలో..
తుక్కుగూడ మున్సిపాలిటీ పరిధిలోని మంఖాల్లో బాబు జగ్జీవన్‌ రామ్‌ విగ్రహానికి పూలమాలలు వేసి జయంతిని ఘనంగా నిర్వహించారు. కార్యక్రమంలో కౌన్సిలర్‌ బూడిద తేజస్విని శ్రీకాంత్‌ గౌడ్‌, మున్సిపాలిటీ అధ్యక్షుడు జల్లెల లక్ష్మయ్య, యూత్‌ అధ్యక్షుడు సామ్యూల్రాజు నాయకులు పెంటమల సురేష్‌, సుభాష్‌ గౌడ్‌, శ్రీశైలంయాదవ్‌, బలరాం, శ్రీను, బాకీ ప్రకాష, రాజకుమార్‌ పాల్గొన్నారు.
