నవతెలంగాణ-బషీరాబాద్‌
సేవా బార్సు ఆధ్వర్యంలో మంగళవారం మంతన్‌గౌడ్‌ తండాలో నూతన బస్టాండ్‌ను మంగళవారం ప్రారంభించారు ఈ కార్యక్రమానికి ముఖ్యఅతిథిగా ఎస్‌ఐ విద్యాచరణ్‌ రెడ్డి హాజరై, మాట్లాడుతూ యువత ముందుండి గ్రామంలో మరింత సేవా కార్యక్రమాలు, సహాయ సహకారాలు అందించాలన్నారు. ప్రతి ఒక్కరూ కలిసికట్టుగా ఉంటూ, సేవా కార్యక్రమాలు చేపడుతున్న వారందరికి ప్రత్యేక ధన్యవాదాలు తెలిపారు.అనంతరం ప్రధాన ఉపాధ్యాయుడు శేషగిరి మాట్లాడుతూ యువకులు బస్టాండ్‌ ప్రారంభించడం చాలా సంతోషకర మన్నారు. పాఠశాలలో కూడా పిల్లలను ఆకర్షించేలా చిన్న చిన్న బొమ్మలు వేయించారని అభినందించారు. అంతేకాకుండా తండాలో అనేక సేవా కార్యక్ర మాలు చేపటిడున్న యువకులను అభినందించారు.ఈ కార్యక్రమంలో గ్రామ సర్పంచ్‌ గాయత్రి బై రాము, ఉప సర్పంచ్‌ ధన్సింగ్‌, ఆర్టీసీ అధికారులు విటల్‌ నాయక్‌, గ్రామ పెద్దలు ఠాకూర్‌ నాయక్‌, శంకర్‌ నాయక్‌, రమేష్‌, రాము డీలర్‌, హర్యా నాయక్‌, మాజీ సర్పంచ్‌ రాము నాయక్‌, మోహన్‌, సేవా బార్సు యువకులు వినోద్‌, వెంకటేష్‌, అజరు, దేవేందర్‌, సంజరు, గౌతమ్‌ , నామ్దేవ్‌, తదితరులున్నారు.
