- క్రికెట్‌ టోర్నమెంట్లో మొదటి బహుమతి గెలుచుకున్న కుర్మిద్ద టీం
- రూ.1.33.333లను ప్రైజ్‌ మనీ ఎంపీ చేతుల మీదుగా అందుకున్న కుర్మిద్ద టీం
నవతెలంగాణ-యాచారం
         ఎమ్‌ఎన్‌ఆర్‌ ఐపీఎల్‌-2 క్రికెట్‌ టోర్నమెంట్‌ గత 15 రోజుల నుంచి బొంగులూరు గేట్‌ లో నిర్వాహకులు జరిపారు. అయితే గురువారం జరిగిన ఐపీఎల్‌-2 క్రికెట్‌ ఫైనల్‌ మ్యాచ్లో మంగల్‌పల్లి పటేల్గూడ, యాచారం మండల పరిధిలోని కుర్మిద్ద జట్ల మధ్య క్రికెట్‌ పోటీ జరుగగా, అందులో కుర్మిద్ద టీం సభ్యులు మొదటి బహుమతి సాధించారు. ఎమ్మెన్నార్‌ ఫౌండేషన్‌ చైర్మన్‌, నియోజకవర్గ కాంగ్రెస్‌ సీనియర్‌ నాయకులు మర్రి నిరంజన్‌ రెడ్డి ఆధ్వర్యంలో రూ.1,33,333 ప్రైజ్‌ మనీని ఎంపీ కోమటిరెడ్డి వెంకట్రెడ్డి చేతుల మీదుగా కుర్మిద్ద క్రికెట్‌ సభ్యులకు అందజేశారు. ఈ సందర్భంగా క్రికెట్‌ టీం సభ్యులు ఆనందాన్ని వ్యక్తం చేస్తూ మర్రి నిరంజన్‌ రెడ్డికి కతజ్ఞతలు తెలియజేశారు. ఈ కార్యక్రమంలో కుర్మిద్ద సర్పంచ్‌ బందే రాజశేఖర్రెడ్డి, క్రికెట్‌ టీం సభ్యులు తదితరులు పాల్గొన్నారు.