- అంబేద్కర్‌ జయంతి వేడుకల్లో పాల్గొన్న ఎమ్మెల్సీ, ఎమ్మెల్యే
- రూ.74 కోట్లతో పాత తాండూరు రైల్వే గేట్‌ పై రోడ్డు ఓవర్‌ బ్రిడ్జి, పనులకు ఆర్థిక శాఖ అనుమతులు
- పాత తాండూరులో అర్బన్‌ హెల్త్‌ సెంటర్‌ తో పాటు, కమ్యూనిటీ హాల్‌
ఎమ్మెల్యే పైలెట్‌ రోహిత్‌ రెడ్డి
నవతెలంగాణ-తాండూరు
తాండూర్‌ నియోజకవర్గంలో గురువారం అంబేద్కర్‌ 131 జయంతి వేడుకలను ఘనంగా నిర్వహించారు. ఈ సందర్భంగా పట్టణ కేంద్రంలో అంబేద్కర్‌ చౌరస్తాలో పాత తాండూరులో అంబేద్కర్‌ విగ్రహానికి పూలమాల వేసి నివాళులర్పించారు. ఈ సందర్భంగా ఎమ్మెల్యే పైలెట్‌ రోహిత్‌ రెడ్డి మాట్లాడుతూ.. ఎన్నో ఏండ్లుగా పాత తాండూరు వాసులు ఇబ్బందులను దష్టిలో పెట్టుకొని ముఖ్యమంత్రి కేసీఆర్‌ సహకారంతో రూ.74 కోట్లతో పాత తాండూరు రైల్వే గేట్‌ పై రోడ్డు ఓవర్‌ బ్రిడ్జి నిర్మించడం జరుగుతుందని అన్నారు. అందుకోసం పనులకు ఆర్థిక శాఖ అనుమతులు కూడా లభించాయని అన్నారు. అదేవిధంగా పాత తాండూరులో అర్బన్‌ హెల్త్‌ సెంటర్‌ తోపాటు కమ్యూనిటీ హాల్‌ నిర్మించనున్నట్లు తెలిపారు. రాజ్యాంగాన్ని రచించడమే కాకుండా దేశ ఖ్యాతిని ప్రపంచ దేశాలకు చాటిచెప్పిన మహానీయుడని అంబేద్కర్‌ అని అభివర్ణించారు. రాజ్యాంగ సష్టికర్త డాక్టర్‌ బి.ఆర్‌. అంబేద్కర్‌ అందరికి స్ఫూర్తి ప్రధాతగా నిలిచారని ఆయన కన్న కలలను నిజం చేయాల్సిన బాధ్యత ప్రతిఒక్కరిపై ఉందని అన్నారు. ఈ కార్యక్రమంలో ఎమ్మెల్సీ పట్నం మహేందర్‌ రెడ్డి, ప్రజా ప్రతినిధులు ప్రజా సంఘాల నాయకులు తదితరులు పాల్గొన్నారు.
