- టీఆర్‌ఎస్‌ సీనియర్‌ నాయకుడు చంద్రయ్య ముదిరాజ్‌
నవతెలంగాణ-మహేశ్వరం
రోడ్డు విస్తరణ పనులకు మహేశ్వరం గ్రామస్తులు సహకరించాలని టీఆర్‌ఎస్‌ సీనియర్‌ నాయకుడు కరోళ్ల చంద్రయ్య ముదిరాజ్‌ అన్నారు. మంగళవారం మహేశ్వరం పట్టణంలో రోడ్డు విస్తరణ పనులను అధికారులతో కలిసి జరుగుతున్న పనులను ఆయన పరిశీలించారు. ఈ సందర్భంగా ఆయన మాట్లాడుతూ.. రోడ్డు మధ్యల నుంచి ఇరువైపులా 33 పీట్లతో రోడ్డు విస్తరణ పనులు చురుకుగా కొనసాగుతున్నాయని అన్నారు. రోడ్డు విస్తరణలో భాగంగా పూర్తిగా షాపులు కోల్పోయిన వారికి 60 గజాల స్థలాలను కేటాయిస్తామని తెలిపారు. గ్రామాభివృద్ధిలో ప్రజలు భాగస్వాములు కావాలని ఆయన కోరారు. ఈ కార్యక్రమంలో శివగంగ దేవాలయ చైర్మన్‌ నిమ్మగూడెం సుధీర్‌ గౌడ్‌, టీఆర్‌ఎస్‌ మండల అధ్యక్షులు అంగోతు రాజునాయక్‌, కోఆప్షన్‌ సభ్యులు సయ్యద్‌ ఆదిల్‌అలీ, ఆర్‌అండ్‌ డీఈ వేణుగోపాల్‌రెడ్డి, ఏఈ శ్రీహరి, సీఐ మధుసూదన్‌, డైరెక్టర్లు కడమోని ప్రభాకర్‌, పొల్కం బాలయ్య, దిద్దెల అశోక్‌కుమార్‌, నాయకులు వొత్తుల రఘుపతి, ఎస్కే ఆజాం, నవీన్‌, దుడ్డు క్రిష్ణయాదవ్‌, వీరిబాబు, నయీం, సంజరు కుమార్‌ తదితరులు పాల్గొన్నారు.
