- మరో వ్యక్తికి తీవ్రగాయాలు
నవతెలంగాణ-రాజేంద్రనగర్‌
పీవీ నర్సింహారావు ఎక్స్ప్రెస్‌ వేపై నుంచి బైక్‌పై అతి వేగంగా వెళ్తూ ప్రమాదవశాత్తు కింద పడటంతో ఒక వ్యక్తి మృతి, మరో వ్యక్తికి తీవ్రగాయాలైయ్యాయి.ఈ ఘటన రాజేంద్రనగర్‌ పోలీస్‌ స్టేషన్‌ పరిధిలో శుక్రవారం చోటు చేసుకుంది. పోలీసులు తెలిపిన వివరాల ప్రకారం నగరంలోని బంజారాహిల్స్‌ ప్రాంతానికి చెందిన కిషన్‌(45), శివకుమార్‌ లు వృత్తిరిత్యా పెయింటర్లు. వీరు లక్ష్మిగూడలో పని ముగించుకుని, సాయంత్ర తిరిగి బంజారా హిల్స్‌కు వస్తుండగా, ఆరంగర్‌లోని పీవీ నర్సింహారావు ఎక్స్ప్రెస్‌ వే పైనుంచి అతి వేగంగా వెళ్తూడటంతో బైక్‌ అదుపు తప్పి కిందపడ్డారు. దీంతో కిషన్‌ తలకు తీవ్రగాయాలై, అక్కడికక్కడే మృతి చెందాడు. బైక్‌ నడుపుతున్న శివకుమార్‌కు తీవ్ర గాయాలు కావడంతో తోటి వాహనదారులు అతన్ని ఓ ప్రయివేట్‌ ఆస్పత్రికి తరలించారు. బైక్‌ నడుపుతున్న ఇద్దరు హెల్మెట్‌ ధరించడం లేదు.అదేవిధంగా పీవీ నరసింహారావు ఎక్స్‌ ప్రెస్‌ పై నుంచి టూ వీలర్‌ వాహనాలకు నిషేధం ఉన్నా వీళ్లు వెళ్లారు.ఈ ఘటనకు అతి వేగమే కారణమని పోలీసులు తెలిపారు.ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు.
