- ఎమ్మెల్యే ప్రకాష్‌ గౌడ్‌
నవతెలంగాణ-రాజేంద్రనగర్‌
వాటర్‌ ఫ్యూరిఫైర్‌ ద్వారా ప్రజలకు స్వచ్ఛమైన నీటిని అందించాలని రాజేంద్రనగర్‌ ఎమ్మెల్యే ప్రకాష్‌గౌడ్‌ అన్నారు. శుక్రవారం మైలార్దేవ్పల్లిలో శీలం శివ కుమార్‌ నూతనంగా ఏర్పాటు చేసిన శ్రీవిజయ వాటర్‌ ఫ్యూరిఫైర్‌ షాపును ఎమ్మెల్యే ప్రారంభించారు. ఈ సందర్భంగా ఆయన మాట్లాడుతూ సురక్షితమైన ఆరోగ్యం కోసం ప్రజలు స్వచ్ఛమైన వాటర్‌ ఫ్యూరిఫైర్‌ నీటిని తాగడం శ్రేయస్కరం అన్నారు. వాటర్‌ ఫ్యూటిఫైర్‌ నిర్వాహకులు కూడా ప్రజలకు సురక్షితమైన నీటిని అందించి ప్రజల అభిమానాన్ని పొందాలని అన్నారు. మనం నిత్యం సేవించే తాగునీటిని ఫ్యూరిఫైర్‌ చేయడం ద్వారా ఎలాంటి ఆరోగ్యపరమైన సమస్యలు తలెత్తవని తెలిపారు. ప్రజలకు అందుబాటులోకి వాటర్‌ ఫ్యూరిఫైర్‌ సర్వీసును తీసుకొచ్చి నందుకు షాపు యజమాని శివకుమార్‌ను ప్రత్యేకంగా అభినందించారు. ఈ కార్యక్రమంలో ప్రేమ్‌ గౌడ్‌, మాచర్ల రవీందర్‌ తదితరులు పాల్గొన్నారు.
