నవతెలంగాణ-షాద్‌ నగర్
బీఎస్పీ జిల్లా అధ్యక్షుడిగా ఎన్నికైన లింగం స్వేరోను బిఎస్పీ నాయకులు ఘనంగా సన్మానించారు. షాద్‌నగర్‌ పట్టణంలోని దేవి గ్రాండ్‌ హౌటల్‌ సమావేశ మందిరం లో ఏర్పాటు చేసిన సమావేశంలో ఆయనను ఘనంగా సన్మానించారు. ఈ సందర్భంగా బీఎస్పీ నాయకులు మాట్లాడుతూ డాక్టర్‌ ఆర్‌.ఎస్‌ ప్రవీణ్‌ కుమార్‌ ఆలోచన విధానంలో స్వేరోస్‌ సర్కిల్‌ రంగారెడ్డి జిల్లా అధ్యక్షులుగా లింగం స్వేరో ఎన్నో కార్యక్రమాలు విజయవంతం చేశార న్నారు. పేద విద్యార్థులను ఉన్నత చదువులు చదివించిన ఘనత లింగం స్వేరోకు దక్కుతుందని అన్నారు. ఆయన సాధించిన విజయాలను దృష్టిలో ఉంచుకొని జిల్లా అధ్యక్షులుగా ఎన్నుకున్నారని అన్నారు. పార్టీ అధికారంలోకి రావడానికి శక్తివంచన లేకుండా కృషి చేయాలని అన్నారు. రంగారెడ్డి జిల్లా ప్రధాన కార్యదర్శి శ్రీశైలం స్వేరో, షాద్‌నగర్‌ నియోజకవర్గ ఇన్‌చార్జి తుప్పరి కుమార్‌ స్వేరో, ఉపాధ్యక్షులు నల్ల నవీన్‌ స్వేరో, బీఎస్పీ కొందుర్గ్‌ మండల కన్వీనర్‌ ప్రశాంత్‌ ముదిరాజ్‌, వెంకటేష్‌ స్వేరో పాల్గొన్నారు.
