- కార్పొరేటర్‌ గంగాధర్‌ రెడ్డి
నవతెలంగాణ- శేరిలింగంపల్లి
            క్రీడాకారులు జాతీయస్థాయిలో రాణించి, మంచి పేరు ప్రతిష్టలు తీసుకురావాలని కార్పొరేటర్‌ గంగాధర్‌ రెడ్డి అన్నారు.. క్రీడాకారుడు ముడవత్‌ కృష్ణను సన్మానించడం చాలా సంతోషంగా ఉందని కార్పొరేటర్‌ గంగాధర్‌రెడ్డి తెలిపారు. గచ్చిబౌలి స్టేడియంలో అండర్‌ 20 ఫెడరేషన్‌ కప్‌ సీనియర్‌ నేషనల్‌ మీట్‌ లో వనపర్తి జిల్లా పెద్దమందడి మండలం, గట్ల ఖానాపూర్‌ తండ గ్రామ పంచాయతీకి చెందిన ముడవత్‌ కృష్ణ ఈ నెల 14, నుండి 15 వరకూ గచ్చిబౌలి స్టేడియంలో అండర్‌ 20 ఫెడరేషన్‌ కప్‌ సీనియర్‌ నేషనల్‌ మీట్‌ జరిగింది. అందులో 5 కిలోమీటర్ల లో విన్నర్‌ గా నిలిచి,1500 మీటర్ల రన్నర్‌గా నిలిచారు. ఎన్టీఆర్‌నగర్‌ గోపాల్‌పల్లిలో స్థానికం గా నివాసం ఉండి సాధించిన విజయాన్ని ఎన్టీఆర్‌ నగర్‌ తాజ్‌ నగర్‌ సోఫా కాలనీ సొసైటీ వారు గచ్చిబౌలి 105 డివిజన్‌ కార్పొరేటర్‌ గంగాధర్‌ రెడ్డి చేతుల మీదగా సొసైటీ వారు గిరిజనడైన ముడవత్‌ కృష్ణను పిలిచి కార్పోరేటర్‌ చేతులమీదుగా సన్మానం చేసి రూ.10 వేలు స్పోట్స్‌ అందజేశారు. కార్యక్రమంలో ఎన్టీఆర్‌ నగర్‌ తాజ్‌ నగర్‌ సోఫా కాలనీ సొసైటీ సబ్‌ కమిటీ సభ్యులు బి. విఠల్‌, కె.నర్సింహారెడ్డి, ఎం. వేణుగోపాల్‌ రెడ్డి, నగేష్‌, నాగ సుబ్రహ్మణ్యం సొసైటీ అధ్యక్షులు బి విఠల్‌, కోశాధికారి ఎం వేణుగోపాల్‌ రెడ్డి, ఆర్గనైజింగ్‌ సెక్రటరీ నాగ సుబ్రహ్మణ్యం, కృష్ణ, మోహన్‌, రవి, తదితరులు పాల్గొన్నారు.