- వెంకటాపూర్‌తండాలో కల్వర్ట్‌ పనుల ప్రారంభించిన మున్సిపల్‌ చైర్‌పర్సన్‌ చిగుళ్లపల్లి మంజుల
నవతెలంగాణ-వికారాబాద్‌ రూరల్‌
వికారాబాద్‌ మున్సిపాలిటీ అభివృద్ధికి నిరంతరం కృషి చేస్తానని వికారాబాద్‌ మున్సిపల్‌ చైర్‌పర్సన్‌ చిగుళ్లపల్లి మంజులారమేష్‌ అన్నారు. గురువారం వికారాబాద్‌ మున్సిపల్‌ అభివృద్ధిలో భాగంగా ఆరోవార్డు వెంకటాపూర్‌ తండాలో రూ.6 లక్షల నిధులతో కల్వర్ట్‌ పనులు ప్రారంభించారు. ఈ సందర్భంగా చైర్‌పర్సన్‌ మాట్లాడుతూ భవిష్యత్తులో వికారాబాద్‌ పట్టణాన్ని మరింత అభివృద్ధి చేసేందుకు కృషి చేస్తామన్నారు. వికారాబాద్‌ మున్సిపల్‌ అభివృద్ధిలో స్థానిక ఎమ్మెల్యే డాక్టర్‌ మెతుకు ఆనంద్‌ సహకారం మరువలేనిదన్నారు. గత పాలకుల నిర్లక్ష్యంతోనే నిర్మించిన అండర్‌ డ్రయినేజీ, సీసీ రోడ్డు పనులతో ప్రజలు ఇబ్బందులు పడుతున్నారని అన్నారు. స్థానిక కౌన్సిలర్‌ చందర్‌ నాయక్‌ కాలనీ వాసులు చైర్‌పర్సన్‌ దృష్టికి తీసుకురావడంతో, సానుకూలంగా స్పందించిన చైర్‌పర్సన్‌ మ్యాన్‌హౌల్స్‌కు నిర్మాణానికి ఎంత ఖర్చు అవుతుందో తెలియజేయాలని ఏఈని ఆదేశించినట్టు తెలిపారు. ఈ కార్యక్రమంలో స్థానిక కౌన్సిలర్‌ చందర్‌ నాయక్‌, నాయకులు శంకర్‌ నాయక్‌, ఏఈ రాజ్‌ కుమార్‌, మున్సిపల్‌ సిబ్బంది, కాలనీ వాసులు పాల్గొన్నారు.
