- సీపీఐ(ఎం) జిల్లా కార్యదర్శివర్గ సభ్యులు ఎన్‌. రాజు
నవతెలంగాణ-షాద్‌ నగర్‌
          కామ్రేడ్‌ పుచ్చలపల్లి సుందరయ్య ఆశయ సాధన కోసం ప్రతి ఒక్కరూ కృషి చేయాలని సీపీఐ(ఎం) జిల్లా కార్యదర్శివర్గ సభ్యులు ఎన్‌ రాజు అన్నారు. షాద్‌ నగర్‌ పట్టణంలోనిసీపీఐ(ఎం) పార్టీ కార్యాలయంలో పుచ్చలపల్లి సుంద రయ్య 37వ వర్థంతి గురువారం ఘనంగా నిర్వహించారు. సుందరయ్య చిత్రపటానికి పూలమాలతో ఘనంగా నివాళులర్పించారు. ఈ సందర్భంగా ఆయన మాట్లాడుతూ మహా నాయకునిగా, ఆదర్శమూర్తిగా గొప్ప పేరు పొందిన మహౌన్నతమైన వ్యక్తి సుందరయ్య అన్నారు.పీడిత ప్రజల కోసం రైతులు, కూలీలు, కార్మికులు హక్కులకోసం రాజీలేని పోరాటం చేస్తూ, దున్నే వాడికే భూమి అనే నినాదం పేరుతో లక్షల ఎకరాల భూములను పేదలకు పంపిణీ చేసిన ఘనత కామ్రేడ్‌ సుందరయ్యదని కొనియాడారు. ఈ కార్యక్రమంలో శ్రీను నాయక్‌, చంద్రమౌళి, కావలి రాజు, మీది పెట రాజశేఖర్‌, శంకరయ్య, శంకరమ్మ అర్జునమ్మ, లక్ష్మి, మినాజ్‌ బేగం,పారిజాత తదితరులు పాల్గొన్నారు.