- ఎంపీటీసీ బొప్పిడి గోపాల్‌
నవతెలంగాణ-ఆమనగల్‌
ముఖ్యమంత్రి కేసీఆర్‌ ఆధ్వర్యంలో ప్రతిష్టాత్మకంగా చేపడుతున్న పల్లె ప్రగతి కార్యక్రమంతో గ్రామాలు సస్యశ్యామలంగా మారుతున్నాయని జిల్లా ఎంపీటీసీల సంఘం కార్యదర్శి, రావిచేడ్‌ ఎంపీటీసీ సభ్యులు బొప్పిడి గోపాల్‌ అన్నారు. పల్లె ప్రగతి కార్యక్రమంలో భాగంగా గురువారం కడ్తాల్‌ మండలంలోని రావిచేడ్‌ గ్రామంలో సర్పంచ్‌ భారతమ్మ విఠలయ్య గౌడ్‌ ఆధ్వర్యంలో నిర్వహించిన పల్లె ప్రగతి కార్యక్రమంలో ఎంపీడీఓ రామకృష్ణ, ఎంపీటీసీ సభ్యులు బొప్పిడి గోపాల్‌, ఎంపీఓ మధుసూదనాచారి తదితరులు పాల్గొని స్థానిక నాయకులతో కలిసి గ్రామంలో పర్యటించారు. ఈసందర్భంగా పల్లె ప్రకతి వనం,శ్మశాన వాటిక, డంపింగ్‌ యార్డ్‌ తదితర వాటిని పరిశీలించి సంతృప్తి వ్యక్తం చేశారు. ఈ కార్యక్రమంలో ఉప సర్పంచ్‌ వెంకటేష్‌, నాయకులు లింగం యాదవ్‌, సాయి కుమార్‌, కృష్ణ, కార్యదర్శి వెంకటయ్య, కారోబార్‌ కృష్ణయ్య తదితరులు పాల్గొన్నారు.
