- మొక్కలతో పార్కుల అభివృద్ధి
- నార్సింగి కౌన్సిలర్‌ పత్తి శ్రీకాంత్‌రావ్‌
నవతెలంగాణ-గండిపేట్‌
            పార్కుల్లో  పచ్చదనాన్ని అశ్వదించేందుకు మొక్కలతో పార్కులను అభివృద్ధి చేస్తామని కౌన్సిలర్‌ డాక్టర్‌ పత్తి శ్రీకాంత్‌రావ్‌ అన్నారు. సోమవారం నార్సింగి మున్సిపాలిటీలోని 6వార్డు బృందావన్‌ కాలనీలో నూతనంగా ఏర్పాటు చేస్తున్న పార్కులో నాటిన మొక్కలను పరిశీలించారు. ఈ సందర్భంగా వారు మాట్లాడుతూ.. సీఎం కేసీఆర్‌ ప్రభుత్వం పట్టణ ప్రగతి కార్యక్రమాన్ని నిర్వహిస్తుందన్నారు. దీంతో ప్రజలకు ఎంతో మేలు జరుగుతుందన్నారు. ప్రతి సమస్యను పరిష్కరిస్తున్నట్టు తెలిపారు. ప్రజా సమస్యలను పరిష్కరించేందుకు పట్టణ ప్రగతిని సద్వినియోగం చేసుకోవాలన్నారు. తమ వార్డును అదర్శంగా చేస్తామన్నారు. ప్రజలకు ఎలాంటి ఇబ్బందులు వచ్చినా దశల వారిగా పరిష్కరిస్తామన్నారు. తమ వార్డులో పార్కులను అందంగా ఏర్పాటు చేస్తూ ప్రజలకు అందుబాటులోకి చేస్తామన్నారు. ఈ కార్యక్రమంలో ప్రత్యేక అధికారులు, మున్సినల్‌ సిబ్బంది, అధికారులు పాల్గొన్నారు.