- మున్సిపల్‌ చైర్‌పర్సన్‌ విజయలక్ష్మి ప్రవీణ్‌కుమార్‌
నవతెలంగాణ-శంకరపల్లి
పాఠశాలలోని చదువుకున్న పిల్లలు అందరూ తప్పకుండా ఓఆర్‌ఎస్‌ ప్యాకెట్లు తీసుకోవాలని శంకర్పల్లి మున్సిపల్‌ చైర్‌పర్సన్‌ విజయలక్ష్మి ప్రవీణ్‌ కుమార్‌, జడ్పీటీసీ గోవిందమ్మ గోపాల్‌ రెడ్డి అన్నారు. సోమవారం శంకర్పల్లి ప్రభుత్వాస్పత్రిలో చిన్నారి పిల్లలకు ఓఆర్‌ఎస్‌ ప్యాకెట్లు అందించారు. ఈ సందర్భంగా వారు మాట్లాడుతూ వచ్చే వర్షాకాలంలో వ్యాధులు ప్రబలకుండా ముందుగానే ఓఆర్‌ఎస్‌ ప్యాకెట్లు తప్పకుండా తీసుకోవాలని విద్యార్థినీ విద్యా ర్థులకు సూచించారు. అదేవిధంగా పరిసరాలను పరిశుభ్రంగా ఉంచుకోవాలని సూచించారు. ఈ కార్యక్రమంలో మున్సిపల్‌ వైస్‌ చైర్మెన్‌ వెంకట రామిరెడ్డి, ప్రభుత్వ వైద్యాధికారి రేవతి రెడ్డి, కౌన్సిలర్‌ శ్వేతా పాండురంగారెడ్డి, ప్రభుత్వాస్పత్రి సిబ్బంది తదితరులు ఉన్నారు.
మీ స్నేహితులకు రికమెండ్ చెయ్యండి
