- ఎమ్మెల్యే జీ.జైపాల్‌ యాదవ్‌
నవతెలంగాణ-ఆమనగల్‌
దళిత బంధు దేశానికే ఆదర్శమని కల్వకుర్తి శాసన సభ్యులు గుర్క జైపాల్‌ యాదవ్‌ అన్నారు. గురువారం హైదరాబాద్‌లోని ఎమ్మెల్యే ఇంటి వద్ద తలకొండపల్లి మండల కేంద్రానికి చెందిన పెరుమాళ్ళ శ్రీరాములుకు దళితబంధు పథకం ద్వారా మంజూరైన కారును పంపిణీ చేశారు. ఈ సందర్భంగా ఎమ్మెల్యే మాట్లాడుతూ రాష్ట్ర ప్రభుత్వం అనేక సంక్షేమ పథకాలను ప్రవేశపెట్టి వాటిని అమలు చేస్తుందన్నారు. గతంలో ఎవ్వరి ఆలోచనకు తట్టని దళిత బంధు పథకం దేశానికే ఆదర్శంగా నిలుస్తుం దన్నారు. ఈసందర్భంగా లబ్దిదారు శ్రీరాములు మాట్లా డుతూ తనకు దళిత బంధు పథకం మంజూరుకు సహకరించిన ఎమ్మెల్యే జైపాల్‌ యాదవ్‌ తోపాటు సీఎల్‌ శ్రీనివాస్‌ యాదవ్‌కు కృతజ్ఞతలు తెలిపారు. ఈ కార్య క్రమంలో టీఆర్‌ఎస్‌ సీనియర్‌ నాయకులు శ్రీనివాస్‌ యాదవ్‌, ఆమనగల్‌ మార్కెట్‌ కమిటీ వైస్‌చైర్మెన్‌ తోటగిరి యాదవ్‌, విజరుగౌడ్‌, వైస్‌ ఎంపీపీ గోవర్దన్‌, రైతు సమన్వయ కమిటీ మండల అధ్యక్షులు నిట్ట నారాయణ, సర్పంచ్‌ కృష్ణయ్య, ఏఎంసీ డైరెక్టర్‌ నూకం శేఖర్‌, నాయకులు సజ్జు పాషా, మల్లేష్‌ యాదవ్‌, బాలేమియా, మధు, చలమంద గౌడ్‌, మహేష్‌, నారాయణ, మహేష్‌ నేత తదితరులు పాల్గొన్నారు.
