నవతెలంగాణ-శంకర్పల్లి
నేషనల్‌ స్టార్‌ లైఫ్‌ టైటిల్‌ విన్నర్‌గా రంగారెడ్డి జిల్లా శంకర్పల్లి మున్సిపాలిటీకి చెందిన యువకుడు ఎంపికయ్యాడు. పురపాలక సంఘం పరిధిలోని మాజీ జడ్పీటీసీి, స్థానిక 2వ వార్డు కౌన్సిలర్‌ బిసొళ్ళ సంధ్యారాణిఅశోక్‌ కుమార్‌, దంపతుల కుమారుడు నితీష్‌ కుమార్‌ కౌముది సంగారెడ్డి జిల్లా రుద్రారంలోని గీతం యూనివర్సిటీలో ఎంబీఏ ఫైనల్‌ ఇయర్‌ చదువుతున్నాడు. ఉత్తర ప్రదేశ్‌ ఆగ్రాలో జరిగిన మోడలింగ్‌ ప్రోగ్రాంలో ఉత్తమ ప్రతిభను కనబరిచి, 'నేషనల్‌ స్టార్‌ లైఫ్‌ టైటిల్‌ విన్నర్‌' గా ఎంపిక అయ్యాడు. గతంలో రెండు సంవత్సరాల క్రితం గోవాలో జరిగిన మోడలింగ్‌ ప్రోగ్రామ్‌లో కూడా టైటిల్‌ విన్నర్‌గా గెలిచాడు. గీతం యూనివర్సిటీకి, శంకర్పల్లి పట్టణానికి పేరు తీసుక వచ్చిన నితీష్‌ కుమార్‌ కౌముదికి అభినందనలు వెల్లువెత్తుతున్నాయి. అదేవిధంగా ఆ యువకులు తల్లిదండ్రులు ఎంతో సంతోషిస్తున్నారు. ఢిల్లీలో తమ కుమారుడు టైటిల్‌ సాధించడం ఎంతో సంతోషంగా ఉందని వారు శుక్రవారం విలేకర్ల ముందు సంతోషం పంచుకున్నారు.
