నవతెలంగాణ-శంకర్పల్లి
ప్రకృతిని పరిరక్షించేందుకు ప్రతి ఒక్కరూ మొక్కలు నాటాలని శంకర్పల్లి ఎంపీడీవో వెంకయ్య అన్నారు. గ్రీన్‌ ఇండియా ఛాలెంజ్‌ డే సందర్భంగా మండల పరిధిలోని మహారాజ్పేట్‌ గ్రామంలో శుక్రవారం మార్కెట్‌ యార్డ్‌ సమీపంలో మొక్కలు నాటారు. ఈ సందర్భంగా ఆయన మాట్లాడుతూ మహారాజ్పేట్‌ గ్రామంలో చెత్తాచెదారం లేకుండా రోడ్లకు ఇరువైపులా మొక్కలు నాటడంతో ఎటు చూసినా పచ్చదనం వెల్లివిరుస్తుందన్నారు. గ్రామాభివృద్ధిలో సర్పంచ్‌, గ్రామ కార్యదర్శి కృషిని అభినందించారు. గ్రామస్తులను సమన్వయం చేసుకుని ముందుకు వెళ్లుతున్నారని పేర్కొన్నారు. ఈ కార్యక్రమంలో గ్రామ సర్పంచ్‌ దోసడ నరసింహారెడ్డి, గ్రామ ప్రత్యేకాధికారి రవీందర్‌, ఉప సర్పంచ్‌ సుజాత నరసింహాచారి, వార్డు సభ్యులు శ్రీకాంత్‌ ,రవీందర్‌, గ్రామ కార్యదర్శి రమ్య, ప్రైమరీ స్కూల్‌ పాఠశాల ప్రధానోపాధ్యాయులు తాహెర్‌ అలీ, ఉపాధ్యాయులు గోపాల్‌ రెడ్డి, బాలరాజ్‌, గ్రామపెద్దలు నాగభూషణం, జంగయ్య , ప్రతాప్‌రెడ్డి, బద్రిరామచందర్‌, బద్రికిష్టయ్య, విద్యార్థులు, గ్రామ పంచాయతీ సిబ్బంది తదితరులు పాల్గొన్నారు.
