- ఇచ్చిన హామీలు నెరవేర్చాలని డిమాండ్‌
- ఎమ్మెల్యే డౌన్‌ డౌన్‌ అంటూ నినాదాలు
నవతెలంగాణ-కుల్కచర్ల/ చౌడపూర్‌
గ్రామస్తులకు ఇచ్చిన హామీని నెరవేర్చని ఎమ్మెల్యే డౌన్‌డౌన్‌ అంటూ యువకులు నినాదాలు చేశారు. శుక్రవారం చౌడపూర్‌ మండలం కొత్తపల్లి గ్రామ పర్యటనకు వెళ్లిన ఎమ్మెల్యే మహేష్‌ రెడ్డికి చేదు అనుభవం ఎదురైంది. శుక్రవారం గ్రామంలో నిర్వహిస్తున్న మన ఊరు-మన బడి కార్యక్రమానికి హాజరైన ఎమ్మెల్యేను అడ్డుకుని, గ్రామాభివృద్ధికి నిధులు రావడం లేదన్నారు. రోడ్డు పనులు జరగడం లేదని డబుల్‌ బెడ్‌ రూం ఇండ్లు, దళిత బంధు పథకాలు కేవలం టీఆర్‌ఎస్‌ పార్టీ కార్య కర్త లకు మాత్రమే ఇస్తు న్నారని ఆవేదన వ్యక్తం చేశారు. ఎన్నికల సమ యంలో ఇచ్చిన హామీలు అమలెందుకు చేయడం లేదని గ్రామ యువకులు ప్రశ్నించారు. ఎమ్మెల్యే ఎంత నచ్చచెప్పే ప్రయత్నం చేసినా యువకులు వినక పోవడంతో ఎమ్మెల్యే వెను తిరిగి వెళ్లారు.
