- హాజరైన స్థానిక ఎమ్మెల్యే మంచిరెడ్డి కిషన్‌ రెడ్డి
నవతెలంగాణ-రంగారెడ్డి ప్రతినిధి
ఇబ్రహీంపట్నం మండలంలోని కప్పాపహాడ్‌ గ్రామంలో శ్రీశ్రీశ్రీ బీరప్ప కామరాతి దేవి కల్యాణ మహౌత్సవాన్ని ఘనంగా నిర్వహించారు. ఈ ఉత్సవాలకు స్థానిక ఎమ్మెల్యే మంచిరెడ్డి కిషన్‌రెడ్డి, టీఆర్‌ఎస్‌ రాష్ట్ర నాయకులు మంచిరెడ్డి ప్రశాంత్‌ కుమార్‌రెడ్డి హాజరై ప్రత్యేక పూజలు నిర్వహించారు. 22 సంవత్సరాల తర్వాత బీరప్ప జాతర నిర్వహించడం చాలా సంతోషకరమైన విషయమని, నియోజకవర్గంలో కురుమ సంఘాలకు తన వంతుగా సహకరిస్తానని తెలిపారు. బీరప్ప జాతరకు అధిక సంఖ్యలో భక్తులు హాజరయ్యారు. జాతర ఉత్సవాలకు హాజరైన అతిథులకు నిర్వాహకులు సన్మానించి స్వాగతం పలికారు. ఈ కార్యక్రమంలో డీసీసీబీ వైస్‌ చైర్మెన్‌ కొత్తకుర్మ సత్తయ్య, ఇబ్రహీంపట్నం ఎంపీపీ పి.కృపేష్‌, చీరాల రమేష్‌, బీజేపీ, కాంగ్రెస్‌ నాయకులు పోట్టి రామలు, మంగమ్మ శివ, కే.యాదగిరి, టీఆర్‌ఎస్‌ నాయకులు బుగ్గ రాములు, కర్నటి రమేష్‌గౌడ్‌, బీసీ సంఘం నాయకులు గొరిగే మల్లేష్‌, శ్రీనివాస్‌, ఏనుగు బుచ్చిరెడ్డి, రాజ్‌నాయక్‌, ఎంపీటీసీ ఏనుగు భరత్‌రెడ్డి, జెర్కొని రాజు, కాలే గణేష్‌, నిట్టు వీరయ్య, నిట్టు అంజయ్య, శ్రీను, నిట్టు నరసింహ, మహిపాల్‌, శ్రీశైలం, ఏల్లయ్య, లింగం, నిట్టు మధు, బీరయ్య, కిట్టు, శ్రీకాంత్‌, వెంకటేష్‌ తదితరులు పాల్గొన్నారు.
