- సర్పంచ్‌ లక్ష్మీ ఆనంద్‌
నవతెలంగాణ-కుల్కచర్ల
అంగన్వాడీ కేంద్రాలలో లభించే సేవలను సద్వినియోగం చేసుకోవాలని కాంగ్రెస్‌ మహిళా విభాగం అధ్యక్షురాలు, సర్పంచ్‌ లక్ష్మీ ఆనంద్‌ కుల్కచర్ల మండలం ముజాహిద్‌ పూర్‌ గ్రామం అంగన్వాడీ కేంద్రంలో బుధవారం ఐసిడిఎస్‌ సూపర్వైజర్‌ యాదమ్మ, ఆధ్వర్యంలో పోషణ మాసం అక్షరాభ్యాసం వేడుకలు నిర్వహించారు. ఈ సందర్భంగా పలువురు మాట్లాడుతూ గర్భిణులు, బాలింతలు, పిల్లలు తీసుకునే ఆహార పదార్థాలు పండ్లు, గుడ్లు, కూరగాయలు, ఆకుకూరలలో ఉండే పదార్థాలపై అవగాహన కల్పించారు. కార్యక్రమంలో పాఠశాల హెచ్‌ఎం సంతోష్‌, పద్మమ్మ, నర్సమ్మ, నాగరాణి, అంబారు, శాంతా, సునీత, వరలక్ష్మి, పిల్లలు తల్లిదండ్రులు పాల్గొన్నారు.