నవతెలంగాణ-మోమిన్‌పేట
మోమిన్‌పేట మండల పరిధిలోని మేకవనంపల్లి గ్రామంలో అంగన్‌వాడీ కేంద్రం లోని గర్భిణులకు, బాలింతలకు, చిన్నపిల్లలకు సామూహిక శ్రీమంతాలు, అన్న ప్రాస కార్యక్రమం గురువారం ఘనంగా నిర్వహించారు. ఈ సందర్భంగా మండల పరిధిలోని కస్లాబాద్‌, బూరుగుపల్లి, అమ్రాది కుర్దు, అమ్రాది కలాన్‌ గ్రామాల్లో గర్భిణులకు గ్రామ సర్పంచ్‌ శశిధర్‌ రెడ్డి, ఎంపీటీసీ గోవర్ధన్‌ రెడ్డి సహకారం కొత్త చీరలు గాజులు, పండ్లు, స్వీట్లు పెట్టి కార్యక్రమాన్ని ఘనంగా నిర్వహించారు. చిన్న పిల్లలకు అన్న ప్రసానం చేయించారు. ఈ కార్యక్రమంలో ఉప సర్పంచ్‌ కృష్ణ, కార్యకర్తలు రుక్కుంబాయ్‌, సంగీత, సుమిత్ర, వైద్య సిబ్బంది, ఆశావర్కర్లు, గ్రామ పెద్దలు పాల్గొన్నారు.