- టీపీసీసీ ప్రతినిధిగా ఎన్నికైన సందర్భంగా శుభాకాంక్షల వెల్లువ
నవతెలంగాణ-కొడంగల్‌
తెలంగాణ, ప్రదేశ్‌ కాంగ్రెస్‌ ప్రతినిధిగా ఎన్నికైన ఎండీ.యూసుప్‌ను కొడంగల్‌లోని టీపీసీసీ అధ్యక్షులు రేవంత్‌ రెడ్డి నివాసంలో కాంగ్రెస్‌ మండలాధ్యక్షులు నందారం ప్రశాంత్‌, కొడంగల్‌ పట్టణాధ్యక్షులు నయుం, కౌన్సిలర్‌ శంకర్‌ నాయక్‌, కాంగ్రెస్‌ సీనియర్‌ నాయకులు సోమ శేఖర్‌ల ఆధ్వర్యంలో మండలంలోని కార్యకర్తలు మర్యాద పూర్వకంగా కలిశారు. అనంతరం ఆయ నను మండలంలోని కార్యకర్తలు అధిక సంఖ్యలో కలిసి, శాలువా, పూలమాలతో ఘనంగా సన్మానించి, శుభాకాంక్షలు తెలిపారు. రేవంత్‌రెడ్డి నాయకత్వంలో చురుకైన పాత్ర పోషిస్తూ కొడంగల్‌ నియోజక వర్గంలో కాంగ్రెస్‌ బలోపేతం చేయడానికి కృషి చేస్తున్న ఎండీ యూసఫ్‌కు గుర్తింపుగా రాష్ట్ర టీపీసీసీ ప్రతినిధిగా ఎన్నుకోవడం పట్ల ఆనందం వ్యక్తం చేశారు. గతంలో తెలుగుదేశం పార్టీలో పని చేస్తూ ప్రభుత్వ వ్యతిరేక కార్యక్రమాల్లో కీలకంగా పనిచేశారు. ఈ సందర్భంగా టీపీసీసీ ప్రతినిధిగా ఎన్నికైన ఎండీ యూసుప్‌ మాట్లా డుతూ కాంగ్రెస్‌ అధిష్టానం తనను టీపీసీసీ నూతన ప్రతి నిధిగా నియమించి నందుకు టీపీసీసీ అధ్యక్షులు రేవంత్‌ రెడ్డి, నియోజకవర్గ ఇన్‌చార్జి తిరుపతిరెడ్డి లకు ప్రత్యేక ధన్యవాదాలు తెలిపారు. కొడంగల్‌ నియోజకవర్గంలో అన్ని వర్గాల ప్రజల సమస్యల పరిష్కారానికి నిరంతరం కృషి చేస్తానని తెలిపారు. ఈ కార్యక్రమంలో ఆసిఫ్‌ ఖాన్‌, రాము, హైమద్‌ తదితరులు పాల్గొన్నారు.
