ఏ చిన్న పని మొదలు పెట్లాన్న కావాల్సింది డబ్బు.. తన కాళ్లపై తాను నిలబడటానికి ఆలోచనలయితే ఉన్నాయి కాని పెట్టుబడే శూన్యం. తండ్రిని అడగటం తప్ప వేరే మార్గం లేదు. ఏ తల్లిదండ్రులు మాత్రం తమ చదువుకున్న పిల్లవాడ్ని ఛాయ్ వ్యాపారం చేయడానికి అంగీకరిస్తారు. కాబట్టి ఇది అంత సులభం కాదు, కాబట్టి అపరాధభావంతోనే అబద్దం చెప్పాడు.
ఆంగ్లేయుల నుంచి వలస వచ్చిన టీ అలవాటు మనకు జీవితంలో ఒక భాగమైంది. ఇప్పటికి చాలా మందికి టీ తాగనిదే పొద్దు గడవదు. నిజం చెప్పాలంటే తేనీటి ఘుమఘుమలతోనే తమ దినచర్య ప్రారంభించేవారు ఎందరో. నేడు అన్ని వేళల్లో టీ తాగడం ఒక సర్వసాధారణ విషమైంది. ధనిక, పేద అనే తేడా లేకుండా అందరు తేనీటీని సేవిస్తారు. ఇంటికి వచ్చిన అతిథులకు కూడా మర్యాదగా ఆఫర్ చేసేది కూడా టీనే. ఒక రకంగా ప్రపంచవ్యాప్తంగా మంచినీటి తర్వాత ఎక్కువగా తాగేది టీ. ముఖ్యంగా మనదేశంలో టీ లవర్స్‌ కోట్లలో ఉన్నారు. ఆ టీ లవర్స్‌ నాడీ పట్టుకున్నాడు ప్రఫుల్‌ బిల్లూర్‌. అహ్మదాబాద్‌ ఐఐటిలో ఎంబీఏ చేసిన అతడు.. టీస్టాల్‌ నడుపుతూ సంవత్సరానికి కోట్లలో టర్నోవర్‌ చేస్తున్న ఎంబీఏ ఛాయ్ వాలా కథనమే ఈ వారం జోష్..
ప్రఫుల్‌ బిల్లూర్‌ ఎంబీఏ పూర్తి చేసి వ్యాపార అవకాశాలను పొందాలనుకున్నాడు. అందుకు అనుగుణంగా రోజుకు 8 నుండి 10 గంటలు చదివేవాడు. అయినా క్యాట్‌ విజయం సాధించలేదు. నిరుత్సాహపడకుండా రెండో ప్రయత్నం చేశాడు. మరల ఓటమే పలకరించింది. రెండో ప్రయత్నం కూడా విఫలం కావడంతో ప్రఫుల్‌ బిల్లూర్‌ను నిరుత్సాహపరిచింది. అతనితోపాటు కుటుంబం కూడా డీలా పడింది. దీనితో ఒక వారం పాటు ఒక గదిలో తాళం వేసుకొని మధనపడ్డాడు. ఆలోచనలో పడ్డాడు. కళ్లముందు అంతా చిందరవందరగా కనపడింది. అది కాదు జీవితం అంటే అని కొత్తగా ఆలోచించాలనే తలంపులో ప్రశాం తంగా ఉండటానికి తన కలను పునరాలోచించడానికి ప్రయత్నించాడు. కాని ఎన్నో ప్రయత్నాలు చేసినా తరువాత ప్రతిష్టాత్మక కళాశాలలో సీటు సాధించలేకపోవటం నిరాశ నుండి ఆ యువకుడిని క్లూలెస్‌గా చేసింది. చివరికి, ఆ కుర్రవాడు స్వీయ-ఒంటరితనం నుండి బయటకు వచ్చి, తన తల్లిదండ్రులకు తాను ఎప్పుడూ క్యాట్‌ రాసే ప్రయత్నించబోనని, రాబోయే ప్రణాళికలు చేయడానికి ముందు కొంత సమయం కావాలని చెప్పాడు. తల్లిదండ్రులు కొంత నిరాశకు గురైన కొడుకుపై నమ్మకంతో తన మార్గానికి అడ్డు చెప్పలేదు.
ప్రఫుల్‌ బిల్లూర్‌ తన బ్యాగ్‌ సర్దుకుని బెంగళూరు, హైదరాబాద్, చెన్నై, ముంబై నగరాలన్ని తిరిగాడు. కానీ అవేమి అతనికి ఉపయోగపడలేదు. విజయవంతమైన యువ పారిశ్రామికవేత్తల కథలను చదవడం ప్రారంభించాడు. చివరికి లక్షాధికారులు చాలా మంది మెక్‌ డొనాల్డ్స్‌ లో పనిచేశారు అనే వాస్తవాన్ని గుర్తించాడు. అలాంటి పనే నేనేందుకు చేయకూడదని ఆలోచనలో పడ్డాడు. అలా రోజుకు 32 రూపాయిలకే మెక్‌ డొనాల్డ్స్‌ లో ఫ్లెట్స్‌ క్లీన్‌ చేసే పనికి చేరాడు. అక్కడ పని చేస్తూనే తక్కువ ఖర్చుతో ఎక్కువ లాభాలు రావాలంటే ఎలా అనే రీసెర్చ్‌ చేశాడు. అందుకు చాయ్ బిజినెస్ బెస్ట్‌ ఆప్షన్‌ అని గుర్తించాడు. అందుకు గ్రౌండ్‌ వర్క్‌ మొదలుపెట్టాడు ప్రతి ఊళ్లో గల్లీకో టీ కొట్టుంటుంది. వాటిల్లో ఒకటిగా తన టీ ఉండకూడదు అనుకున్నాడు ప్రఫుల్‌. తన చాయ్ కి ఓ స్పెషాలిటీ ఉండాలనుకున్నాడు. డిఫరెంట్‌ మేకింగ్‌ ప్రాసెస్‌ లన్నీ తెలుసుకుని ఎంబీఏ ఛాయ్ వాలా పేరుతో చాయ్ అమ్మడం స్టార్ట్‌ చేశాడు.
ఏ చిన్న పని మొదలు పెట్లాన్న కావాల్సింది డబ్బు.. తన కాళ్లపై తాను నిలబడటానికి ఆలోచనలయితే ఉన్నాయి కాని పెట్టుబడే శూన్యం. తండ్రిని అడగటం తప్ప వేరే మార్గం లేదు. ఏ తల్లిదండ్రులు మాత్రం తమ చదువు కున్న పిల్లవాడ్ని ఛాయ్ వ్యాపారం చేయడానికి అంగీకరిస్తారు. కాబట్టి ఇది అంత సులభం కాదు, కాబట్టి అపరాధభావంతోనే అబద్దం చెప్పాడు. అహ్మదాబాద్‌లోని ఒక కళాశాలలో ఎంబీఏ చదివేందుకు 10,000 అవసరమని తన తండ్రిని అడిగాడు. కొడుకు చదువుకుంటానంటే సహాయం చేయకుండా ఉంటారా? ప్రఫుల్‌ బిల్లూర్‌ ఆ డబ్బుతో ఒక చిన్న టీ స్టాల్‌, పాత్రలు, ఇతర ముఖ్యమైన వస్తువులను తీసుకువచ్చాడు. టీ స్టాల్‌ అయితే ప్రారంభించాడు..కాని స్టాల్‌ వైపు ఎవరూ తిరిగిచూడకపోవడంతో మొదటి రోజు మందకొడిగా ఉంది. కొత్తగా వ్యాపారం ప్రారంభించినప్పుడు ఎదురయ్యే మార్కెటింగ్‌ సమస్యను గుర్తించాడు. దానిని అధిగమించడానికి తానే స్వయంగా వీధిలోకి వెళ్లి ప్రతి వ్యక్తిని తన ప్రత్యేక టీని ఒకసారి ట్రై చేయమని కోరాడు. ఒక టీ అమ్మకందారుడు ఇంగ్లీషులో సరళంగా మాట్లాడటమే కాక టోస్ట్‌, టిషఉ్యలతో ఒక ట్రేలో టీ వడ్డించడం చూసి పట్టణంలోని ప్రతి ఒక్కరిని ఆకర్షించింది. ఈ ప్రయత్నం మరుసటి రోజు నుండే కస్టమర్లను ఆకర్షించింది. వ్యాపారం వద్ధి చెందింది, కాని నిజమైన సమస్యలు మరింత తలెత్తాయి.
రెండు నెలలు చాలా త్వరగా గడిచాయి, కాని ఒక రోజు తన తండ్రి పిలిచి చదువుల గురించి ఆరా తీశారు. అంతగా తెలియని కళాశాలలో ప్రవేశం పొందటానికి 50,000 అవసరం అని చెప్పాడు. కాని ఈసారి ప్రఫుల్‌ బిల్లోర్‌ తండ్రి మోసం చేయదల్చుకోలేదు. ఆరు-ఏడు రోజుల తరువాత ఆ విద్యార్థి విసుగు చెందాడు సంస్థను శాశ్వతంగా విడిచిపెట్టి, తన పనినే పూర్తి ఏకాగ్రతను చేస్తూ చాలా వేగంగా కీర్తిని పొందాడు. తక్కువ సమయంతో ఎక్కువ గుర్తింపు తెచ్చుకున్న ప్రఫుల్‌ వలన తమ వ్యాపారాలు దెబ్బతిన్నాయని అతడ్ని అక్కడి నుండి తరిమివేయడానికి అనేక ప్రయత్నాలు చేశారు. దానితో కొంత నిరుత్సాహం చెందాడు. మళ్లి అన్వేషణ ప్రారంభించాడు. కస్టమర్లు చాలామంది అతనిని ఫేస్బుక్‌ ద్వారా సంప్రదించడం మొదలు పెట్టారు. అతని స్టాండ్‌ అడ్రస్‌ గురించి అడి గారు. ఇది కలలు కనేవారిని ప్రేరేపించింది, అందువల్ల, ప్రఫుల్‌ బిల్లూర్‌ దగ్గరలోనే తన స్టాల్‌ ను ప్రారంభించాడు.
అతనికి చాలా వినూత్న ఆలోచనలు ఉన్నాయి. అన్నింటిలో మొదటిది, పరిణతి చెందిన యజమాని ప్రవేశద్వారం వద్ద వైట్‌ బోర్డ్‌ను ఏర్పాటు చేసి, తన తోటి ఖాతాదారులకు తెలియజేసినట్లుగా అనేక సంస్థలలో తాజా ఉద్యోగ ఖాళీల గురించి రాశాడు. స్టాల్‌ పేరును 'మిస్టర్‌ బిల్లోర్‌ అహ్మదాబాద్‌' అని పిలవాలని నిర్ణయించుకున్నాడు. అతను తన కేఫ్‌లో ఫంక్షన్ల కోసం ఆర్డర్లు తీసుకోవడం, వేడుకలు నిర్వహించడం ప్రారంభించాడు.
రెండు సంవత్సరాల కృషి మరియు అంకితభావంతో, వ్యాపారవేత్త కోట్లలో సంపాదించడం ప్రారంభించాడు. ప్రపంచ వ్యాప్తంగా ప్రయాణించే తన విలువైన సమయాన్ని స్వచ్ఛంద సంస్థల కోసం నిర్వహించడానికి ఉపయోగించాడు. ఒకప్పుడు ప్రసిద్ధ విశ్వవిద్యాలయానికి హాజరు కాలేకపోయిన వ్యక్తి తరువాత ఐఐఎం, హార్వర్డ్‌ బిజినెస్ స్కూల్‌కు ఒక కలను అనుసరించడం దానిని సాధించడం గురించి ప్రసంగం చేయమని ఆహ్వానాలు అందు కుంటున్నాడు.
- అనంతోజు మోహన్‌ కృష్ణ
