- అస్సాంతో రంజీ మ్యాచ్‌
పుణె : మూడేండ్ల విరామం అనంతరం తొలిసారి రంజీ ట్రోఫీలో పునరాగమనం చేసిన కేదార్‌ జాదవ్‌ డబుల్‌ సెంచరీతో దండెత్తాడు. ఎలైట్‌ గ్రూప్‌-బిలో అస్సాంపై విశ్వరూపం చూపించిన కేదార్‌ జాదవ్‌ 21 ఫోర్లు, 12 సిక్సర్లు కొట్టాడు. 183 పరుగుల వద్ద రిటైర్డ్‌ హర్ట్‌గా నిష్క్రమించిన కేదార్‌ జాదవ్‌.. మళ్లీ క్రీజులోకి వచ్చి ఖతర్నాక్‌ ద్వి శతకం సాధించాడు. బంతితో పరుగు పిండుకున్న కేదార్‌ జాదవ్‌ డబుల్‌ సెంచరీతో మహారాష్ట్ర 594 పరుగుల భారీ స్కోరు నమోదు చేసింది. జాదవ్‌ వికెట్‌తో మహారాష్ట్ర తొలి ఇన్నింగ్స్‌ను డిక్లరేషన్‌ ప్రకటించింది. తొలి ఇన్నింగ్స్‌లో అస్సాం 274 పరుగులు చేయగా, రెండో ఇన్నింగ్స్‌లో 65/0తో ఆడుతోంది. అస్సాం మరో 255 పరుగుల తొలి ఇన్నింగ్స్‌ వెనుకంజలో కొనసాగుతోంది. మహారాష్ట్ర, అస్సాం రంజీ మ్యాచ్‌లో నేడు చివరి రోజు ఆట.