నవతెలంగాణ - హైదరాబాద్
తెలుగుదేశం పార్టీ జాతీయ ప్రధాన కార్యదర్శి నారా లోకేష్‌ ఆంద్రప్రదేశ్‌లో చేపట్టనున్న ''యువగళం'' పాదయాత్రకు టీటీడీపీ పూర్తి మద్ధతును ప్రకటించింది. లోకేష్‌ బుధవారం మధ్యాహ్నం 1:25 గంటలకు హైదరాబాద్ నుంచి బయలుదేరుతున్న నేపథ్యంలో టీటీడీపీ బైక్‌ ర్యాలీ నిర్వహించనుంది. నేరుగా తన తాత స్వర్గీయ ఎన్టీఆర్‌ ఘాట్‌ను చేరుకుని నివాళులు అర్పించి ఆశీస్సులు తీసుకుంటారు. లోకేష్‌ వెంట హైదరాబాద్ లోని ఆయన స్వగహం నుంచి ఎన్‌.టి.ఆర్‌ ఘాట్‌, శంషాబాద్‌ వరకు బైక్‌ ర్యాలీ చేపట్టనున్నారు. స్వర్గీయ ఎన్టీఆర్‌కు లోకేష్‌ నివాళులు అర్పించే కార్యక్రమంలో తెలంగాణ టీడీపీ అధ్యక్షుడు కాసాని జ్ఞానే శ్వర్‌, రాష్ట్ర పార్టీ ఇన్‌చార్జీ కంభం పాటి రామ్మోహన్‌రావు, ఇతర ముఖ్య నాయకులు పాల్గొంటారు.
మీ స్నేహితులకు రికమెండ్ చెయ్యండి
