- నవతెలంగాణ ఎడిటర్‌, పబ్లిషింగ్‌ హౌస్‌ ఎడిటర్‌ అభినందనలు
నవతెలంగాణ బ్యూరో-హైదరాబాద్‌
బాలసాహిత్య విభాగంలో తెలుగు యూనివర్సిటీ -2020 పురస్కారాన్ని పొందిన ప్రముఖ రచయిత పుప్పాల కృష్ణమూర్తిని నవతెలంగాణ పత్రిక ఎడిటర్‌ ఆర్‌.సుధా భాస్కర్‌, నవతెలంగాణ పబ్లిషింగ్‌హౌస్‌ ఎడిటర్‌ కె.ఆనందాచారి అభినందించారు. ఈ మేరకు గురువారం వారు ఒక ప్రకటన విడుదల చేశారు. ఆయన రాసిన 'వెన్నెల వాకిలి' బాలల కథాసంపుటికి ఈ పురస్కారం లభించిందని తెలిపారు. నవతెలంగాణ దినపత్రికలో ఆదివారం ప్రచురితమయ్యే సోపతి మ్యాగజైన్‌లో నెమలీక శీర్షికకు ఆయన రెగ్యులర్‌గా కథలు రాస్తున్న విషయాన్ని వారు ప్రస్తావించారు. దశాబ్దాలుగా బాలసాహిత్యంలో కృషి చేస్తున్న పుప్పాల కృష్ణమూర్తికి ఈ పురస్కారం రావడం ఎంతో గర్వకారణమని తెలిపారు. భవిష్యత్‌లో ఆయన మరింత ఎత్తుకు ఎదగాలని ఆకాంక్షించారు.