నవతెలంగాణ బ్యూరో-హైదరాబాద్‌
అనారోగ్యానికి గురై హైదరాబాద్‌ నిమ్స్‌ ఆస్పత్రిలో చికిత్స పొందుతున్న బాల్కొండ నియోజకవర్గం కమ్మర్పల్లి మండల కేంద్రానికి చెందిన సీపీఐ(ఎంఎల్‌) ప్రజాపంథా నిజామాబాద్‌ జిల్లా నాయకులు సురేష్‌ను సోమవారం రాష్ట్ర రోడ్లు భవనాలు శాఖ మంత్రి వేముల ప్రశాంత్‌రెడ్డి పరామర్శించారు. ఆయన ఆరోగ్య పరిస్థితిపై డాక్టర్లను ఆరా తీశారు. మెరుగైన వైద్యం అందించాలని వారికి సూచించారు. సురేష్‌కు మంత్రి మనోధైర్యం చెప్పారు. త్వరగా కోలుకోవాలని, సంపూర్ణ ఆరోగ్యవంతులు కావాలని ఆకాంక్షించారు. మంత్రి వెంట సీపీఐ(ఎంఎల్‌) రాష్ట్ర అఖిల భారత ప్రగతిశీల రైతు సంఘం ప్రధాన కార్యదర్శి ప్రభాకర్‌, సహాయ కార్యదర్శి దేవారామ్‌, నిమ్స్‌ సూపరింటెండెంట్‌ సత్యనారాయణ, రమేష్‌ తదితరులు ఉన్నారు.