నవతెలంగాణ-హైదరాబాద్‌బ్యూరో
యోగాసన స్పోర్ట్స్‌ అసోసియేషన్‌ ఆఫ్‌ హైదరాబాద్ ఫస్ట్‌ ఇంటర్ స్కూల్‌ ఛాంపియన్‌ షిప్‌లో విజేతలైన విద్యార్థులకు బహుమతులు అందచేశారు. కాచిగూడలోని నృపతుంగ హైస్కూల్‌లో జరిగిన కార్యక్రమంలో మూడు కేటగిరిల్లో తరగతుల వారీగా విజేతలను ప్రకటించారు. ఈ పోటీల్లో 65 పాఠశాలల నుంచి 500 మంది విద్యార్థులు పాల్గొన్నారు. తెలంగాణ యోగాసనా స్పోర్ట్స్‌ అసోసియేషన్‌ అధ్యక్షులు జీ శ్రీధరరావు, యోగాసనా స్పోర్ట్స్‌ అసోసియేషన్‌ ఆఫ్‌ హైదరాబాద్ ప్రధాన కార్యదర్శి డీ నాగేంద్రరావు, తెలంగాణ యోగాసన క్రీడా సంఘం ప్రధాన కార్యదర్శి నందనం కృపాకర్‌, తెలంగాణ యోగా టీచర్స్‌ కో ఆర్డినేషన్‌ కమిటీ అధ్యక్షులు రవికిషోర్‌, ముద్రా నిపుణులు ముద్ర ప్రకాశ్‌, ఇండియన్‌ యోగా ఫెడరేషన్‌ అధ్యక్షులు డాక్టర్‌ బ్రిజ్‌భూషణ్‌ పురోహిత్‌, స్పోర్ట్స్‌ అథారిటీ ఆఫ్‌ తెలంగాణ యోగా కోచ్‌ ప్రసన్నకుమార్‌ తదితరులు పాల్గొని, విజేతలకు బహుమతులు అందచేశారు.
