నవతెలంగాణ బ్యూరో - హైదరాబాద్‌
          రాష్ట్ర వైద్యవిద్య సంచాలకుల పరిధిలో అసిస్టెంట్‌ ప్రొఫెసర్ల పోస్టులకు ఈ నెల  ఏడు నుంచి 14 వరకు హైదరాబాద్‌ వెంగళరావునగర్‌లోని ఇండియన్‌ ఇనిస్టిట్యూట్‌ ఆఫ్‌ హెల్త్‌ అండ్‌ ఫ్యామిలీ వెల్ఫేర్‌ ప్రాంగణంలో సర్టిఫికెట్ల వెరిఫికేషన్‌ చేయనున్నట్టు మెడికల్‌ అండ్‌ హెల్త్‌ సర్వీసెస్‌ రిక్రూట్‌ మెంట్‌ బోర్డ్‌ (ఎంహెచ్‌ఎస్‌ఆర్‌బీ) సభ్య కార్యదర్శి తెలిపారు. ఈ మేరకు గురువారం ఒక ప్రకటన విడుదల చేశారు. అభ్యర్థులు తమకు కేటాయించిన తేదీని, సెషన్‌ ను తెలుసుకునేందుకు బోర్డు వెబ్‌సైట్‌ను చూడాలని సూచించారు. వెరిఫికేషన్‌కు అభ్యర్థులు తమ ఒరిజినల్‌ సర్టిఫికెట్లతో హాజరు కావాల్సి ఉంటుంది.