నవతెలంగాణ బ్యూరో - హైదరాబాద్
రాష్ట్రంలోని వివిధ ఇంజినీరింగ్‌ శాఖలకు చెందిన విభాగాల్లో అసిస్టెంట్‌ ఇంజినీర్‌ (ఏఈ), మున్సిపల్‌ అసిస్టెంట్‌ ఇంజినీర్‌, టెక్నికల్‌ ఆఫీసర్‌ అండ్‌ జూనియర్‌ టెక్నికల్‌ ఆఫీసర్‌ పోస్టులకు వచ్చేనెల ఐదో తేదీన రాతపరీక్షను నిర్వహించనున్నట్టు తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీఎస్‌పీఎస్సీ) ప్రకటించింది. ఈ మేరకు టీఎస్‌పీఎస్సీ కార్యదర్శి అనితా రామచంద్రన్‌ శనివారం ఒక ప్రకటన విడుదల చేశారు. సోమవారం నుంచి ఆయా పోస్టులకు దరఖాస్తు చేసిన అభ్యర్థుల హాల్‌టికెట్లు టీఎస్‌పీఎస్సీ వెబ్‌సైట్‌లో డౌన్‌లోడ్‌ చేసుకునేందుకు అందుబాటులో ఉంటాయని పేర్కొన్నారు. 833 పోస్టుల భర్తీకి గతేడాది సెప్టెంబర్‌ 12న నోటిఫికేషన్‌ జారీ చేసిన విషయం తెలిసిందే.
మీ స్నేహితులకు రికమెండ్ చెయ్యండి
