నవతెలంగాణ బ్యూరో - హైదరాబాద్‌
        రాష్ట్రంలో త్వరలో నిర్వహించబోయే గ్రూప్‌-2 పరీక్షలకు సన్నద్ధమ వుతున్న అభ్యర్థుల కోసం క్రిష్ణప్రదీప్‌ 21వ సెంచరీ ఐఏఎస్‌ అకాడమి ఆధ్వర్యంలో ఆదివారం ఉదయం పది నుంచి ఉచిత అవగాహన సదస్సును నిర్వహించనున్నది. ఈ మేరకు ఆ అకాడమి చైర్మెన్‌ పి క్రిష్ణప్రదీప్‌ శుక్రవారం ఒక ప్రకటన విడుదల చేశారు. హైదరాబాద్‌లో ఉన్న అశోక్‌నగర్‌ లోని తమ అకాడమిలో ఈ సదస్సును నిర్వహిస్తున్నామని తెలిపారు. ఈ సదస్సులో సీనియర్‌ అధ్యాపకులతో గ్రూప్‌-2 సిలబస్‌, సన్నద్ధత, ప్రణా ళిక, నోట్సు మేకింగ్‌, సమయపాలన వంటి అంశాలపై సమగ్ర అవగాహన కల్పిస్తామని పేర్కొన్నారు. ఆసక్తి ఉన్న అభ్యర్థులు హాజరుకావాలని కోరారు.