- అంతర్జాతీయ దినోత్సవ వేడుకల్లో సునీతారావు
నవతెలంగాణబ్యూరో-హైదరాబాద్‌
          కాంగ్రెస్‌ అధికారంలోకి రాగానే మహిళలకు పెద్దపీట వేస్తామని మహిళా కాంగ్రెస్‌ అధ్యక్షులు సునీతారావు చెప్పారు. అన్ని రంగాల్లో మహిళలు దూసుకెళ్తుతున్నారని తెలిపారు.మహిళలకు రాజకీయ అవకాశాలు కల్పించింది కాంగ్రెస్‌పార్టీయేనన్నారు. మంగళవారం హైదరాబాద్‌లోని గాంధీభవన్‌లో అంతర్జాతీయ మహిళా దినోత్సవ వేడుకలు నిర్వహించారు. మహిళా జర్నలిస్టులను సన్మానించారు. ఈ కార్యక్రమంలో ఎమ్మెల్యే సీతక్క, మాజీ మంత్రి పుష్పలీల ఇంచార్జి కో ఆర్డినేటర్‌ నీలం పద్మ, ప్రధాన కార్యదర్శి భవానీరెడ్డి, కల్వసుజాత, సదాలక్ష్మి, దుర్గారాణి, ఆర్‌. లక్ష్మి, కవిత, సుల్తానా తదితర మహిళా నాయకులు పాల్గొన్నారు.