నవతెలంగాణ-కథలాపూర్‌
జగిత్యాల జిల్లా కథలాపూర్‌ మండలం గంభీర్‌పూర్‌ గ్రామంలో గొర్ల మందపై కుక్కలు దాడి చేసిన సంఘటనలో 16 గొర్రెలు మృత్యువాత పడగా, మరో 7 గొర్రెల పరిస్థితి విషమంగా ఉందని యజమాని కేశవేణి చొక్కయ్య తెలిపారు. బాధితుడు తెలిపిన వివరాల ప్రకారం.. రోజువారీ లాగే సోమవారం ఉదయం గొర్రెల మందను మేతకు తీసుకెళ్లి తిరిగి సాయంత్రం సమయంలో గొర్రెలను షెడ్డులోకి తోలాడు. అనంతరం ఆతను ఇంటికి వెళ్లిన తర్వాత రాత్రి సమయంలో గొర్రెల మందలో కుక్కలు చొరబడి దాడిచేశాయి. గమనించిన స్థానికులు చొక్కయ్యకు సమాచారం ఇచ్చారు. అప్పటికే 16 గొర్రెలు చనిపోగా, 25 గొర్రెలు గాయపడినట్టు చొక్కయ్య తెలిపాడు. మృతి చెందిన గొర్రెల విలువ సుమారు రూ.3 లక్షల వరకు ఉంటుందని, ప్రభుత్వం తమను అదుకోవాలని వేడుకుంటున్నాడు.