- దక్షిణాదికి గర్వకారణం: సౌత్‌ సేన
నవతెలంగాణ - హైదరాబాద్‌
            ఆర్‌ఆర్‌ఆర్‌ సినిమాలోని నాటు నాటు పాటకు ప్రతిష్టాత్మక ఆస్కార్‌ అవార్డు రావడంపై సౌత్‌సేన సోమవారం ఒక ప్రకటనలో హర్షం వ్యక్తం చేసింది. ''దక్షిణ భారతీయులందరూ గర్వపడేలా ఆస్కార్‌ వేదికపై పురస్కారాన్ని స్వీకరించిన 'ఆర్‌ఆర్‌ఆర్‌' చిత్ర సంగీత దర్శకులు ఎంఎం కీరవాణి, రచయిత చంద్రబోస్‌కు హదయపూర్వక శుభాకాంక్షలు తెలియజేసింది. ఆస్కార్‌ బెస్ట్‌ ఒరిజినల్‌ సాంగ్‌గా నిలిచిన 'ఆర్‌ఆర్‌ఆర్‌' చిత్రంలో 'నాటు నాటు' గీతం దక్షిణ భారతీయ సినిమాను మరో స్థాయికి చేర్చింది. ఇంతటి ఘనత పొందేలా 'ఆర్‌ఆర్‌ఆర్‌' చిత్రాన్ని రూపొందించిన దర్శకులు ఎస్‌ఎస్‌ రాజమౌళికి ప్రత్యేక అభినందనలు చెప్పింది. ఆ చిత్రంలో కథానాయక పాత్రల్లో ఒదిగిపోయిన ఎన్టీఆర్‌, రాంచరణ్‌, గాయకులు రాహుల్‌ సిప్లిగంజ్‌, కాలభైరవ, నత్య దర్శకులు ప్రేమ్‌ రక్షిత్‌, చిత్ర నిర్మాత డీవీవీ దానయ్యలకు అభినందనలు' అని సౌత్‌సేన ప్రతినిధులు రవి, శ్రీనివాస్‌, శ్రీకాంత్‌, రమేష్‌ బాబు, విలియం కేర్‌, జగదీష్‌ సోమవారం ఒక ప్రకటనలో పేర్కొన్నారు.