- అభినందించిన టీఎస్‌ఎస్పీడీసీఎల్‌ సీఎమ్‌డీ జీ రఘుమారెడ్డి
నవతెలంగాణ-హైదరాబాద్‌బ్యూరో
దక్షిణ తెలంగాణ విద్యుత్‌ పంపిణి సంస్థ (టీఎస్‌ ఎస్పీడీసీఎల్‌) కు చెందిన ముగ్గురు లైన్‌మెన్‌లకు సెంట్రల్‌ ఎలక్ట్రిసిటీ అథారిటీ (సిఈఏ)ఉత్తమ సర్వీస్‌ అవార్డులు లభించాయి. లైన్‌మేన్‌ దినోత్సవం సందర్భముగా ఢిల్లీలో జరిగిన కార్యక్రమంలో వీరు అవార్డుల్ని స్వీకరించారు. సిద్దిపేట సర్కిల్‌ లైన్‌మెన్‌ కే ఈశ్వర్‌రెడ్డి, హబ్సిగూడ లైన్‌మెన్‌ డి మల్లారెడ్డి, సరూర్‌నగర్‌ సర్కిల్‌ లైన్‌మెన్‌ కొండూరు యాదయ్య ఈ అవార్డుల్ని అందుకున్నారు. వీరి ఉత్తమ సేవలకు గుర్తింపుగా ప్రశంసాపత్రం, మెడల్‌ను బహుకరించారు. ఈ సందర్భంగా టీఎస్‌ఎస్పీడీసీఎల్‌ సీఎమ్‌డీ జి రఘుమారెడ్డి వారికి అభినందనలు తెలిపారు. ఈ అవార్డులు ఇతర ఉద్యోగులు, సిబ్బందికి స్ఫూర్తిదాయకంగా ఉంటాయని చెప్పారు. ఢిల్లీలో జరిగిన అవార్డుల ప్రదానోత్సవ కార్యక్రమంలో లైన్‌మెన్లతో పాటు గ్రీన్‌ల్యాండ్స్‌, కంటోన్మెంట్‌ డివిజనల్‌ ఇంజినీర్లు సుధీర్‌కుమార్‌, ఈఎస్‌ సుచేంద్రనాథ్‌ కూడా పాల్గొన్నారు. లైన్‌మెన్లను సంస్థ డైరెక్టర్‌ (ఆపరేషన్స్‌) జే శ్రీనివాసరెడ్డి కూడా అభినందించారు.
