- ఇంటర్‌ విద్యార్థిని ఆత్మహత్య
నవతెలంగాణ-హనుమకొండ
ఇంటర్మీడియట్‌ మొదటి సంవత్సరం చదువుతున్న విద్యార్థిని పరీక్ష బాగా రాయలేదని మానసిక ఆందోళనతో ఆత్మహత్య చేసుకున్నది. ఈ ఘటన జనగామ జిల్లా కొడకండ్ల మండలం ఏడు నూతల గ్రామంలో గురువారం జరిగింది. పోలీసులు, కుటుంబ సభ్యులు తెలిపిన వివరాల ప్రకారం.. గ్రామానికి చెందిన మురారిశెట్టి సమ్మయ్య-హైమల కుమార్తె నాగజ్యోతి (17) హనుమకొండ నక్కలగుట్టలోని సువిద్య జూనియర్‌ కళాశాలలో ఇంటర్‌ మొదటి సంవత్సరం చదువుతున్నది. కాగా, బుధవారం ఉదయం 9 గంటల నుంచి 12 గంటల వరకు పరీక్ష రాసిన ఆమె.. పరీక్ష పూర్తయిన వెంటనే సాయంత్రం హాస్టల్‌ గదిలోనే ఉరివేసుకుని ఆత్మహత్యకు పాల్పడింది. విషయం తెలిసిన తల్లిదండ్రులు రాత్రి వరంగల్‌ ఎంజీఎం చేరుకున్నారు.