- కేటీఆర్‌ దిష్టిబొమ్మల దహనం
- టీపీసీసీ కార్యనిర్వాహక అధ్యక్షులు మహేష్‌కుమార్‌గౌడ్‌ పిలుపు
నవతెలంగాణబ్యూరో-హైదరాబాద్
వివిధ పరీక్ష పేపర్ల లీకులకు నిరసనగా ఈనెల 19న మండల కేంద్రాల్లో ధర్నాలు.. .కేటీఆర్‌ దిష్టిబొమ్మల దహనం చేయాలని టీపీసీసీ కార్యనిర్వాహక అధ్యక్షులు మహేష్‌ కుమార్‌ గౌడ్‌ పార్టీ శ్రేణులకు ఒక ప్రకటనలో పిలుపునిచ్చారు. ఇంటర్ పరీక్ష పత్రాల లీక్‌తో పాటు సింగరేణి పరీక్ష పేపర్లు, ఎస్సై, కానిస్టే బుల్స్‌ పరీక్ష పేపర్లు, గ్రూప్‌ 1 పత్రాలు లీకయ్యా యనీ, అందుకు బాధ్యులైన వారిని కఠినంగా శిక్షించాలని పేర్కొన్నారు. తాజాగా టీఎస్‌పీఎస్సీ టౌన్‌ ప్లానింగ్‌ పరీక్ష పత్రాల లీక్‌కు ప్రభుత్వ నిర్లక్షానికి పరాకాష్ట అని విమర్శించారు. పేపర్ల లీకులకు బాధ్యత వహిస్తూ మంత్రి కేటీఆర్‌ రాజీనామా చేయాలని డిమాండ్‌ చేశారు. నిర సన కార్యక్రమాల్లో యువత, విద్యార్థి, నిరుద్యో గులు పెద్ద ఎత్తున పాల్గొనాలని విజ్ఞప్తి చేశారు.
