నవతెలంగాణ బ్యూరో - హైదరాబాద్‌
           టీఎస్‌పీఎస్సీ జూన్‌లో నిర్వహించబోయే గ్రూప్‌-1 ప్రిలిమ్స్‌ పరీక్షకు సన్నద్ధమవుతున్న అభ్యర్థుల్లో 500 మందికి ఉచితంగా ప్రతిరోజూ టెస్ట్‌సిరీస్‌ నిర్వహించనున్నట్టు 21వ సెంచరీ ఐఏఎస్‌ అకాడమి చైర్మెప్‌ పి క్రిష్ణప్రదీప్‌ సోమవారం ఒక ప్రకటనలో తెలిపారు. గ్రూప్‌-1 ప్రిలిమ్స్‌ రద్దయి, అభ్యర్థులు ఆర్థికంగా, మానసికంగా ఆందోళనలో ఉన్న నేపథ్యంలో వారిలో ఆత్మవిశ్వాసాన్ని పెంపొందించాలనే ఉద్దేశంతో దరఖాస్తు చేసుకున్న వారి నుంచి లాటరీ పద్ధతిలో 500 మందిని ఎంపిక చేసి వారికి ఉచితంగా టెస్ట్‌ సిరీస్‌ నిర్వహించబడుతుందని వివరించారు. అభ్యర్థులు తమ పేర్లను వెంటనే నమోదు చేసుకోవాలని సూచించారు. టెస్ట్‌ సిరీస్‌ వచ్చేనెల మూడో తేదీ నుంచి ప్రారంభమవుతుందని పేర్కొన్నారు. ఇతర వివరాలకు 040-350521219133237733 నెంబర్లను సంప్రదించాలని కోరారు.